पुणे : राज्याच्या राजकारणात सध्या नुकतेाच सादर झालेला अर्थसंकल्प, महिला सुरक्षा, दिशा सालियन, तसेच अन्य काही गंभीर विषयांवरून सत्ताधारी आणि विरोधकांमध्ये वाद आरोप-प्रत्यारोप, टीका-टिपण्णी सुरु असल्याचं पहायला मिळत आहे. अशातच आता स्टँडअप कॉमेडियन कुणाल कामरा यांने उपमुख्यमंत्री एकनाथ शिंदे यांच्यावर अश्लाघ्या भाषेत वक्तव्य केला आहे. यावरुन राज्यात शिवसेना शिंदे गट चांगलाच आक्रमक झाल्याचे पहायला मिळत असून कामराने माफी मागण्याची मागणी केली आहे. यावरुन आता पुण्यातील शिवसेना देखील आक्रमक झाली असून पुणे शहर शिवसेनेकडून तीव्र निषेध व्यक्त केला आहे.
एकनाथ शिंदे यांच्यावर अश्लाघ्य भाषेत टीका करणाऱ्या कामराचा आबरा का डाबरा करण्याचा इशारा शिवसेनेचे शहरप्रमुख प्रमोद नाना भानगिरे यांनी दिला आहे. “उपमुख्यमंत्र्यांवर टीका करुन कुणाल कामराने त्याच्या खालच्या पातळीचे वैचारिक दर्शन घडवले आहे. महाराष्ट्र ही छत्रपती शिवराय, महात्मा फुले, शाहू महाराज आणि डॉ. बाबासाहेब आंबेडकर यांची भूमी आहे. या भूमीतील नेतृत्वाला, लोकप्रतिनिधींना अश्लाघ्य आणि हीन पातळीवर जाऊन हिणवण्याचा प्रकार हा अत्यंत निंदनीय आहे”, असे प्रमोद नाना भानगिरे म्हणाले आहेत.
कुणाल कामरा शिवसैनिकांना तुझा आबरा का डाबरा करायला वेळ लागणार नाही..!!
कुणाल कामरा याच्या महाराष्ट्र राज्याचे उपमुख्यमंत्री श्री. एकनाथ शिंदे साहेब यांच्याविषयीच्या अश्लाघ्य वक्तव्याचा पुणे शहर शिवसेनेच्या वतीने तीव्र निषेध करत असून महाराष्ट्र ही छत्रपती शिवरायांची, महात्मा… pic.twitter.com/6PDa7G4Ojx
— Pramod Bhangire (Nana) (@bhangire_pramod) March 23, 2025
“एकनाथ शिंदे हे महाराष्ट्राच्या जनतेने निवडून दिलेले लोकप्रिय उपमुख्यमंत्री आहेत. त्यांनी अनेक संकटांना तोंड देत, राज्याच्या विकासासाठी आणि जनतेच्या हितासाठी सतत कार्यरत राहण्याचा वसा घेतला आहे. अशा नेत्याविषयी जाहीरपणे विनोदाच्या नावावर अश्लाघ्य भाषेत केले गेलेले हीन पातळीचे विनोद हा केवळ शिंदे साहेबांचा नव्हे, तर महाराष्ट्राच्या जनतेचा अपमान आहे. हा वाचाळवीर कुणाल कामरा पुणे शहरात दिसल्यास त्याला शिवसेना चोप दिल्याशिवाय राहणार नाही”, असे प्रमोद नाना भानगिरे म्हणाले आहेत.
लोकशाहीमध्ये अभिव्यक्ति स्वातंत्र्याला मान आहे, मात्र त्याच्या मर्यादा ओलांडून अत्यंत हीन दर्जाची भाषा सुसंस्कृत महाराष्ट्राला कधीही न शोभणारी आहे, कुणाल कामराची ही भाषा कोणत्याही परिस्थितीत स्वीकारार्ह्य नसून बेजबाबदार व्यक्तीवर कठोर कारवाई झाली पाहिजे, अन्यथा लोकप्रतिनिधींच्या प्रतिष्ठेचा आणि समाजाच्या भावनांचा अपमान होईल. कुणाल कामरा याने आपली हीन पातळीची भाषा आणि अवमानकारक वक्तव्यांसाठी महाराष्ट्राच्या जनतेची आणि एकनाथ शिंदेंची जाहीर माफी मागावी, अन्यथा या कुणाल कामराचा आबरा का डाबरा करायला आम्हाला वेळ लागणार नाही, अशा शब्दात भानगिरे यांनी इशारा दिला आहे.
महत्वाच्या बातम्या-
-हिंजवाडी जळीत हत्याकांड: ‘माझ्या नवऱ्याला विनाकारण अडकवलं जातंय’; बस चालकाच्या पत्नीचा दावा
-सरकारी शाळांमध्ये सीबीएसई पॅटर्न लागू; छत्रपती शिवराय, छत्रपती शंभूराजांचा इतिहास अनिवार्य असणार
-‘वाघ बाई स्वतःच्या राजकीय करियरसाठी…’; सुषमा अंधारेंची चित्रा वाघ यांच्यावर आगपाखड
-जयकुमार गोरेंवर विवस्त्र फोटो पाठवल्याचा आरोप करणाऱ्या महिलेला अटक; नेमकं कारण काय?
-स्वारगेट प्रकरणी पीडितेचा आवाज बसबाहेर गेला?; शिवशाहीची शास्त्रोक्त पडताळणी, काय माहिती मिळाली?
