ज्याची शंका होती तेच घडलं! कोर्टात हगवणेच्या वकिलाचा वेगळाच दावा, म्हणे “वैष्णवीचे नको त्या व्यक्तीशी चॅटिंग…”

पुणे : वैष्णवी हगवणे प्रकरणातील आरोपी सासू लता, नवरा शशांक आणि नणंद करिष्मा यांना एक दिवसांची पोलीस कोठडी सुनावली असून, राजेंद्र आणि सुशील यांना ३१ मेपर्यंत पोलीस कोठडीत ठेवण्याचा आदेश न्यायालयाने दिला आहे. सासरच्या आरोपींविरुद्ध सुरू असलेल्या तपासात गुरुवारी न्यायालयात दोन्ही बाजूकडून जोरदार युक्तिवाद करण्यात आला आहे. सरकारी वकिलांनी आरोपींकडून हुंड्यात मिळालेले ५१ तोळे सोने नेमके कुठे गहाण ठेवले? याचा तपास बाकी असल्याचे सांगितले. तसेच, वैष्णवी यांना मारहाण करताना वापरलेले हत्यारे आणि रॉड अद्याप जप्त झाले नसल्याची माहिती दिली.

सरकारी वकिलांनी मोबाईल जप्त करणे गरजेचे असल्याचे सांगत, त्यामध्ये संबंधित घटनेचे शूटिंग किंवा महत्त्वाचे चॅट व कॉल रेकॉर्डिंग असण्याची शक्यता वर्तवली. त्यामुळे तपासासाठी आरोपींची पोलीस कोठडी आवश्यक असल्याचे सरकारी वकिलांनी ठामपणे मांडले आहे.

दरम्यान, हगवणे यांच्या वकिलांनी पोलीस कोठडीची गरज नाही, असे म्हणत बचाव पक्षाची भूमिका मांडली. ५१ तोळे सोनं कुठल्या बँकेत गहाण ठेवले आहे, हे आधीच सांगितले गेले आहे. तसेच, निलेश चव्हाण याचा या प्रकरणाशी काहीही संबंध नसून, तो केवळ बाळाची काळजी घेत होता, हेही त्यांनी नमूद केले. जर त्याने चुकीचं केलं असेल, तर त्याला फाशी द्या, असा आक्रमक दावाही हगवणेंच्या वकिलांनी केला.

वैष्णवीच्या चारित्र्यावर संशय?

युक्तीवादादरम्यान हगवणे यांच्या वकिलांनी वैष्णवीच्या चारित्र्यावर प्रश्नचिन्ह उपस्थित करत, ‘ती आत्महत्येच्या प्रवृत्तीची होती’, असा दावा केला. “एक नवरा म्हणून चार कानाखाली मारल्या यामध्ये चुकीचं काय?” असा सवाल करत त्यांनी सोशल मीडियावरील चॅट्सकडे लक्ष वेधले. आरोपीच्या वकिलांनी युक्तिवाद केला की, ‘वैष्णवी नको त्या व्यक्तीशी चॅट करत होती, त्यामुळे तणावातून आपले जीवन संपवले असावे”

“आत्महत्येचं खरं कारण वेगळं असू शकतं, पण ते शोधण्याची जबाबदारी आमची नाही,” असं वक्तव्य करून आरोपी हगवणे परिवाराकडून आपली जबाबदारी झटकण्यात आली आहे. तसेच, आमच्याकडे पाच कोटींच्या गाड्या आहेत, त्यामुळे ४० लाखांच्या फॉर्च्युनरसाठी छळ केला, हा आरोप हास्यास्पद असल्याचेही हगवणेच्या वकिलाने युक्तीवादात म्हटले आहे.

दरम्यान, न्यायालयाने या सुनावणीत लता, शशांक आणि करिष्मा हगवणे यांना एक दिवसांची पोलीस कोठडी सुनावली आहे. तसेच राजेंद्र आणि सुशील हगवणे यांना ३१ मेपर्यंत पोलीस कोठडीत ठेवण्याचा आदेश दिला आहे.

महत्वाच्या बातम्या

-हगवणे बंधूंच्या अडचणी वाढणार; पोलीस तपासात पिस्तूलबाबत धक्कादायक माहिती समोर

-20 वर्षांचा संसार क्षणात मोडला; पुण्यात एकाच दिवसात घटस्फोटाचा दावा मंजूर

-ऐकावं ते नवलंच! लग्नाच्या रात्री पत्नीसाठी पान आणायला गेला अन् आल्यावर पाहिलं तर पत्नी…

-‘सासूनं केली काळी जादू, नवऱ्यानं दाखवले अश्लील व्हिडीओ’; फरार हगवणेंना मदत करणारे ‘ते’ दोघे कोण?

-महिला आयोगाचे दोन्ही नंबर ‘नॉट एक्झिस्ट’?, मनसेचं थेट मुख्यमंत्र्यांना पत्र, पत्रातून ‘ही’ मागणी