पुणे : पुणे महानगरपालिकेच्या अतिक्रमण विभागात सर्वच क्षेत्रीय कार्यालयात कंत्राटी पद्धतीने काम करणाऱ्या सुमारे २६९ कर्मचाऱ्यांच्या बदल्या करण्यात आल्या आहेत. संवेदनशील खात्यात हे कर्मचारी गेल्या अनेक वर्षांपासून काम करीत आहेत. कंत्राटी पद्धतीने काम करत असताना त्यांना अनेक अडचणींना सामोरे जावे लागत आहे. पुणे महानगरपालिकेकडे कंत्राटी कर्मचाऱ्यांची नोंद नसल्याने त्यांना कोणत्याही सोयी सुविधा उपलब्ध होत नाहीत, याबाबत राष्ट्रवादी काँग्रेसचे अजित पवार गटाचे शहराध्यक्ष दीपक मानकर यांनी महापालिका आयुक्त डॉ. राजेंद्र भोसले यांची भेट घेत त्वरित कार्यवाही करण्यासाठी निवेदन दिले आहे.
‘ठेकेदार पद्धतीने काम करणाऱ्या या सेवकांना तुटपुंजे वेतन असून, आहे त्या वेतनामध्ये ते विनातक्रार काम करतात. तसेच कोरोना काळामध्येही या सेवकांनी कोणतीही तक्रार न करता अतिशय प्रामाणिकपणे काम केले. आता या सेवकांची बदली ही राहत्या घरापासून सुमारे २० ते २५ किलोमीटर पेक्षा जास्त अंतरावर करण्यात आलेली आहे. त्यांना मिळणारे वेतन, त्यामध्ये प्रवासखर्च तसेच घराची जबाबदारी यामुळे या सेवकांवर मोठा आर्थिक ताण येत असून याचा परिणाम हा अतिक्रमण विभागाच्या कामकाजावर पडत आहे, असल्याचे दीपक मानकरांनी निवदेनामध्ये म्हटले आहे.
‘बदली केलेल्या कंत्राटी कर्मचाऱ्यांना आहे त्याच ठिकाणी किंवा त्यांच्या राहत्या घरापासून जवळच्या अंतरावर असलेल्या क्षेत्रीय कार्यालयामध्येच बदली करण्यात यावी. जेणेकरून त्यांना पडणारा ताण काही प्रमाणात कमी होऊ शकतो. तसेच या सर्व कंत्राटी पद्धतीने काम करणाऱ्या कर्मचाऱ्यांना आपण पुणे महानगरपालिकेत रोजंदारी सेवेत सामावून घेण्यात यावे. यासंदर्भात आज आयुक्त साहेबांची भेट घेऊन योग्य ती कार्यवाही त्वरित करण्यात यावी असे निवेदन मानकर यांनी दिले आहे. यावर आयुक्तांनी सकारात्मक प्रतिसाद देत संबंधित अधिकाऱ्यांना योग्य त्या सूचना दिल्या आहेत.
महत्वाच्या बातम्या-
-भाजपच्या माजी नगरसेविकेच्या मुलाचा प्रताप; जीममध्ये मैत्री, प्रेमाचं जाळं अन्…
-कोल्हापूरचा पैलवान काँग्रेसची विस्कटलेली घडी पुन्हा बसवणार, पक्षाने सोपवली खास जबाबदारी
-भोंंदूबाबाचा महिलेवर लिंबू डाव अन् घातला लाखोंचा गंडा, नेमका काय प्रकार?
-पुणेकरांनो सावधान! शहरात ३ दिवस विजांच्या कडकडाटासह मुसळधार पावसाचा अंदाज
