पुणे : वैष्णवी हगवणे प्रकरणातील सर्व आरोपींना अटक केली असून बुधवारी सर्व आरोपींना न्यायालयात हजर करण्यात आले होते. या प्रकरणातील वैष्णवीचा पती शशांक, सासू लता आणि नणंद करिश्मा या ३ आरोपींना आजपर्यंतच पोलिस कोठडी सुनावली आहे. तर सासरे राजेंद्र हगवणे आणि दीर सुशील हगवणे हे दोघे फरार झाले होते. त्यामुळे या दोघांना ३१ मे पर्यंत पोलीस कोठडी सुनावण्यात आली. अशात बुधवारी न्यायालयामध्ये दोन्ही बाजूच्या वकीलांनी जोरदार युक्तीवाद केला. वकील विपुल दुशींग यांनी आरोपी हगवणेंची बाजू न्यायालयात मांडली.
यावेळी आरोपीची बाजू मांडताना वकिलांनी, ‘वैष्णवीचे नको त्या व्यक्तीसोबत चॅटींग झाले आहे. याबाबत तिच्या घरी देखील सांगितले होते. कस्पटे कुटुंबीयांनी वैष्णवी यांचा मोबाईल काढून घेतला होता. त्या दोघांमध्ये काही भांडण झालं असावं आणि त्यातूनच वैष्णवीने जीवन संपवलं असावं’, असा दावा करताना वकिलांनी वैष्णवीच्या चारित्र्यावर बोट ठेवलं आहे. यावरुन वकिलांच्या वक्तव्यावरुन सर्वत्र संतापाची लाट उसळली. वकील विपुल दुशींग यांच्याबाबत आता धक्कादायक माहिती समोर आली आहे. मृत वैष्णवीच्ये चारित्र्यहनन करणार्या वकील विपुल दुशींग यांच्यावरच सरकारी वकीलाला कॉलर पकडून मारहाण केल्याचा गुन्हा नोंद असल्याची माहिती आता समोर आला आहे.
View this post on Instagram
2022 मधे पुण्यातील वडगाव मावळ न्यायालयात वकिल दुशींग हे एका आरोपीचे वकील म्हणून काम पाहत होते. न्यायाधीशांसमोरच सुनावणीची पुढील तारीख कोणती नेमायची यावरुन दुशींग आणि सरकारी वकील प्रेमकुमार अग्रवाल यांच्यासोबत मोठा वाद झाला. या वादाचा राग डोक्यात ठेवून न्यायालयातून बाहेर पडल्यावर वकील दुशींग यांनी चिडून वकील प्रेमकुमार अग्रवाल यांची कॉलर पकडून त्यांना मारहाण केली. या प्रकरणी अग्रवाल यांच्या तक्रारीनंतर वकील दुशींग आणि त्यांच्यासोबत असलेल्या अन्य दोन वकीलांवर वडगाव मावळ पोलीस ठाण्यात गुन्हा दाखल करण्यात आला होता. न्यायालयाने त्यावेळी अटक पुर्व जामीन दिल्याने दुशींग यांची अटक त्यावेळी टळली होती.
दरम्यान, वैष्णवीच्या चारित्र्यावर शंका घेत हगवणे कुटुंबाने तिचा मानसिक, शारिरीक छळ तर केलाच. मात्र, त्यानंतर आता आरोपी हगवणेच्या वकिलांनी देखील या प्रकरणी न्यायालयात दावा केला आहे.
महत्वाच्या बातम्या
-आता भाजप आमदारही नाहीत सुरळीत? शिवीगाळ केली अन् घरात घुसण्याचा प्रयत्न, एकाला अटक
-हगवणे बंधूंच्या अडचणी वाढणार; पोलीस तपासात पिस्तूलबाबत धक्कादायक माहिती समोर
-20 वर्षांचा संसार क्षणात मोडला; पुण्यात एकाच दिवसात घटस्फोटाचा दावा मंजूर
-ऐकावं ते नवलंच! लग्नाच्या रात्री पत्नीसाठी पान आणायला गेला अन् आल्यावर पाहिलं तर पत्नी…
