पुणे : दक्षिण आफ्रिकेतील डरबन ते पीटरमॅरिट्झबर्ग या मार्गावर ८ जून रोजी पार पडलेल्या जगप्रसिद्ध कॉम्रेड्स अल्ट्रा मॅरेथॉन २०२५ मध्ये पुण्याच्या रनाहोलिक्स ग्रुपने अभूतपूर्व कामगिरी करत आपला ठसा उमटवला. ९० किलोमीटर अंतराची ही अत्यंत आव्हानात्मक शर्यत पूर्ण करणाऱ्या ४७ धावपटूंनी देशाचे आणि महाराष्ट्राचे नाव उज्वल केले.
या ग्रुपचे मुख्य मार्गदर्शक आणि प्रेरणास्थान डॉ. योगेश सातव यांनी केवळ मार्गदर्शनच केले नाही, तर स्वतः उत्कृष्ट कामगिरी करत ‘कॉम्रेड्स २०२५’ केवळ 7तास 45 मिनिटात पूर्ण करून तिसरे सर्वात जलद भारतीय धावपटू होण्याचा बहुमान मिळवला. त्यांच्या मार्गदर्शनाखाली संपूर्ण ग्रुपने शिस्तबद्ध आणि वैज्ञानिक पद्धतीने तयारी केली होती.
डॉ. आरती पटवा झंवर यांनी भारतीय महिला धावपटूंमध्ये सर्वाधिक वेगाने ही शर्यत पूर्ण करत विशेष गौरव मिळवला. याशिवाय विद्याताई बेंडाळे (वय ६४), अजय मोदी (वय ६१) आणि प्रकाश दुबे पाटील (वय ६३) या वरिष्ठ सदस्यांनी सुद्धा शर्यत यशस्वीरीत्या पूर्ण करत सर्वांसाठी आदर्श निर्माण केला. हडपसर परिसरातील नामांकित डॉक्टर्स जयदीप फरांदे, सुहास लोंढे, योगेश गायकवाड , विठ्ठल सातव , मनोहर तनपुरे ह्यांनीही उत्कृष्ट प्रदर्शन करत उत्तम वेळात मॅरेथॉन पूर्ण केली
रनोहोलिक्स ग्रुपच्या या यशामागे डॉ. सातव यांचे नियोजन, वेळोवेळी दिलेले वैयक्तिक प्रशिक्षण आराखडे, आहाराचे मार्गदर्शन व मानसिक तयारी यांचा मोठा वाटा आहे. या ऐतिहासिक यशाबद्दल रनोहोलिक्स ग्रुपचे सर्वत्र कौतुक होत असून, त्यांच्या या प्रेरणादायी प्रवासाने पुण्यातील आणि देशातील अनेक नवोदित धावपटूंना नवे स्वप्न दाखवले आहे.
महत्वाच्या बातम्या
-फिरायला जाण्याचा प्लान करण्याआधी ही बातमी वाचाच, ‘या’ महत्वाच्या ठिकाणांवर बंदी
-पालिकेची निवडणूक होणार चार सदस्यीय प्रभाग रचनेत; ४२ प्रभागांत किती नगरसेवक?
-शिंदेसेना पुण्यात वेगळी चूल मांडणार? धंगेकरांकडून एकट्याने लढण्याचा आग्रह, शिंदेंचा निर्णय काय?
-सुसंस्कृत पुण्यात आणखी धक्कादायक घटना; हुंडा अन् सासरच्या छळाला कंटाळून उचललं टोकाचं पाऊल
