पुणे : शहरासह संपूर्ण महाराष्ट्रात सायबर गुन्हेगारीत मोठी वाढ झाल्याचे दिसून येत आहे. मॅट्रिमोनियल वेबसाइटच्या माध्यमातून एका महिलेची ३ कोटी ६० लाख रुपयांची फसवणूक केल्याप्रकरणी पुणे सायबर पोलिसांनी एका ऑस्ट्रेलियन नागरिकाला अटक केली आहे. अतिरिक्त पोलिस आयुक्त (गुन्हे) पंकज देशमुख यांनी दिलेल्या माहितीनुसार, आरोपीने बनावट प्रोफाइल तयार करून स्वतःला डॉ. रोहित ओबेरॉय म्हणवून अनेक महिलांशी संपर्क साधला.
आरोपीने एका पीडित महिलेला, जी स्टार्टअप सुरू करू इच्छित होती, मॅट्रिमोनियल वेबसाइटद्वारे संभाव्य वर म्हणून संपर्क केला. त्याने तिला वेगवेगळ्या बँक खात्यांमध्ये ३ कोटी ६० लाख रुपये हस्तांतरित करण्यास सांगितले. फसवणूक झाल्याचे लक्षात आल्यानंतर पीडितेने पोलिसांत एफआयआर दाखल केला.
तपासादरम्यान, आरोपीचे खरे नाव अभिषेक शुक्ला असल्याचे समोर आले. तो भारतीय वंशाचा ऑस्ट्रेलियन नागरिक आहे आणि कोविड-१९ साथीच्या काळापासून भारतात वास्तव्यास आहे. तो कामानिमित्त भारतात आला होता. पोलिसांनी त्याच्यासाठी लूकआउट सर्क्युलर जारी केले होते. तो सिंगापूरहून मुंबईला परतला असता पोलिसांनी त्याला अटक केली आणि न्यायालयात हजर केले. न्यायालयाने त्याला ५ दिवसांची पोलिस कोठडी सुनावली आहे.
महत्वाच्या बातम्या
-मंत्र्यांनाच माहित नाही पदाधिकाऱ्यांचे कांड; विचारल्यावर म्हणतात, त्याने काय केलं?
-तुमचा पासवर्ड हॅक झालाय? भारत सरकारने दिला धोक्याचा इशारा
-मेधा कुलकर्णींच्या समर्थनार्थ ब्राह्मण सभा मैदानात; चाकणकरांनीही घेतली तात्कळ दखल
-पुणेकरांचा मेट्रो प्रवास आता सुसाट, विस्तारित मार्गाला मोदी सरकारची मंजुरी
-हळदीचा व्हायरल ट्रेंड: भूत-प्रेतांना घरी बोलावताय? ज्योतिष तज्ज्ञांनी नेमकं काय सांगितलं
