पुणे : पुण्याच्या मुंढवा भागातील वादग्रस्त जमीन खरेदी प्रकरणात उपमुख्यमंत्री अजित पवार यांचे मोठे चिरंजीव पार्थ पवार यांचे मामेभाऊ आणि व्यावसायिक भागीदार दिग्विजय अमरसिंह पाटील यांच्यासह तिघांवर गुन्हा दाखल करण्यात आला आहे. निलंबित तहसीलदार सुर्यकांत येवले यांच्याविरोधातही गुन्हा नोंदवला गेला आहे. संगनमत करून शासनाचे ५ कोटी ८९ लाख ३१ हजार ८०० रुपये मुद्रांक शुल्क बुडवल्याच्या आरोपाखाली हे गुन्हे दाखल झाले आहेत. गुन्हा दाखल झालेल्या इतर दोघांमध्ये जमिनीची पॉवर ऑफ अॅटर्नी असलेली शीतल तेजवानी आणि रविंद्र तारू यांचा समावेश आहे.
अमेडिया कंपनीत ९९ टक्के भागीदारी असलेले पार्थ पवार मात्र या गुन्ह्यापासून वाचले आहेत. केवळ एक टक्के भागीदारी असलेल्या दिग्विजय पाटील यांच्यासह तिघांवरच गुन्हा दाखल करण्यात आला आहे. पोलिसांच्या या कृतीमुळे अनेक प्रश्न उपस्थित झाले आहेत. एका व्यावसायिक भागीदारावर गुन्हा दाखल होत असताना दुसऱ्या प्रमुख भागीदाराला का सोडले गेले, असा संशय व्यक्त होत आहे.
पार्थ पवारांना ही जमीन विकणाऱ्या शीतल तेजवानी नेमक्या कोण?
- शीतल तेजवानी आणि सागर तेजवानी हे पती-पत्नी आहेत.
- सागर सुर्यवंशीने शितल तेजवानीसह कुटुंबियांच्या नावे घेतली 10 कर्जे
- 41 कोटी रुपयांची 10 कर्जे घेताना सागर-शितलने सादर केली बनावट कागदपत्रे
- सेवा विकास बँकेच्या पुणे आणि पिंपरी चिंचवडच्या शाखांतून उचलले कर्ज
- ज्या कारणांसाठी कर्जे घेतली तिथे ती न वापरता दुसऱ्याच व्यवसायात वापरली
- 2019 ला सहकार सह आयुक्त राजेश जाधवरांच्या ऑडिटमध्ये शितल-सागरचा घोटाळा उघड
- सागर सुर्यवंशीने आणि शीतल तेजवानीने घेतलेली कर्जे मुद्दाम फेडली नाही
- 31 मार्च 2021 पर्यंत कर्जांची रक्कम 60 कोटीच्या घरात
- जानेवारी 2023 मध्ये ईडीकडून सागर सूर्यवंशीच्या घर आणि कार्यालयावर छापा
- सागर सूर्यवंशीच्या 45 कोटींच्या मालमत्ता जप्त, मे 2023 मध्ये स्पेशल कोर्टात खटला
- सागर सुर्यवंशीला ऑक्टोबर 2021मध्ये आधी सीआयडीने आणि नंतर पिंपरी चिंचवड पोलिसांकडून अटक
- जामिनावर बाहेर येताच सागर सूर्यवंशीला जून 2023मध्ये ईडीकडून अटक
महत्वाच्या बातम्या-
-पार्थ पवार जमिन घोटाळा प्रकरणात तहसीलदाराचं निलंबन; तहसीलदार काय म्हणाले?
-“इकडे कशाला टाईमपास करतोस?” राज ठाकरेंनी पिट्याभाईला झापलं, नेमकं काय झालं?
-भाजपचा गणेश बिडकरांवर विश्वास, पुणे महापालिका निवडणुकीसाठी सोपवली मोठी जबाबदारी!
-पुण्यात शरद पवारांना मोठा धक्का; आचारसंहिता लागू होताच बड्या नेत्यानं सोडली साथ
