पुणे : पुण्यातील उच्चभ्रू समजल्या जाणाऱ्या नांदेड सिटी परिसरात एका सासऱ्याने आपल्या सुनेची डोक्यात वार करून निर्घृण हत्या केल्याची धक्कादायक घटना घडली होती. २ मे रोजी घरगुती वादातून भानुदास भास्कर चौधरी याने आपली सून स्वाती तेजस चौधरी हिचा खून केला. हत्या केल्यानंतर आरोपीने घराला बाहेरून कुलूप लावले आणि तो फरार झाला होता.
या प्रकरणी हवेली पोलीस ठाण्यात (नांदेड सिटी चौकी) खुनाचा गुन्हा दाखल करण्यात आला होता. आरोपीचा आठ दिवस शोध घेत असताना त्याने जळगाव जिल्ह्यातील मेहरूण गाव परिसरात आश्रय घेतल्याची गोपनीय माहिती मिळाली. जळगाव स्थानिक गुन्हे शाखेच्या पथकाने मेहरूण येथील महादेव मंदिर परिसरात सापळा रचून भानुदास चौधरी याला शिताफीने अटक केली.
अटक केल्यानंतर आरोपीला प्राथमिक चौकशीसाठी पुणे पोलिसांच्या ताब्यात देण्यात आले आहे. या घटनेमुळे नांदेड सिटी परिसरात मोठी खळबळ उडाली होती. कौटुंबिक कलहातून सुनेचा जीव घेण्याच्या घटनेने परिसरात संताप व्यक्त करण्यात येत आहे. पुणे पोलिस आता या प्रकरणाचा सखोल तपास करत आहेत. आरोपी भानुदास चौधरी याला न्यायालयात हजर करण्यात येणार आहे.
महत्वाच्या बातम्या-
-पुण्यात जमीन मोजणीचे डोंगर उपसण्यासाठी मोठा निर्णय! ४० नवे खासगी भूमापक नेमणार
-बारामतीत राजकीय हलचाल! सोमेश्वर साखर कारखान्याचे उपाध्यक्ष मिलिंद कांबळे यांचा राजीनामा
-‘राजभवन रोड’ विस्तारीकरणाला गती! औंध-पाषाणमधील वाहतूक कोंडी लवकरच कमी होणार
