पुणे : भोंदू बाबा खरात प्रकरणानंतर रुपाली चाकणकर यांनी राज्य महिला आयोगाच्या अध्यक्षपदाचा राजीनामा दिल्याने हे महत्त्वाचे पद सध्या रिक्त आहे. महायुतीच्या सत्तावाटपात हे पद राष्ट्रवादी काँग्रेस (शरद पवार गट) च्या वाट्याला आले असून, पदासाठी पक्षातील इच्छुकांची जोरदार तयारी सुरू आहे. मात्र, वरिष्ठ नेतृत्व ‘आयात’ नेत्याला संधी देण्याच्या विचारात असल्याने पक्षांतर्गत नाराजी वाढली आहे.
या पदासाठी प्रतिभा शिंदे, डॉ. ज्योती मेटे, मीरा बोरवणकर आणि सुनेत्रा पवार यांच्या निकटवर्तीय वैशाली मोठे यांची नावे चर्चेत होती. मात्र, अलीकडेच शिवसेनेत असलेल्या शायना एनसी यांचे नाव अचानक चर्चेत आले आहे. शायना एनसी यांनी उपमुख्यमंत्री सुनेत्रा पवार यांच्या ‘देवगिरी’ निवासस्थानी भेट घेतल्याची माहिती समोर आली आहे.
शायना एनसी यांनी यापूर्वी भाजपमधून शिवसेनेत प्रवेश करून मुंबादेवी मतदारसंघातून निवडणूक लढवली होती, मात्र पराभव स्वीकारावा लागला. आता राष्ट्रवादीत प्रवेश करून महिला आयोगाच्या अध्यक्षपदावर नियुक्ती मिळण्याची शक्यता वर्तवली जात आहे. या चर्चेमुळे पक्षातील स्थानिक इच्छुकांमध्ये मोठा असंतोष आहे.
सुनेत्रा पवार यांच्याकडून लवकरच या पदाबाबत अंतिम निर्णय अपेक्षित आहे. शायना एनसी यांचे पुनर्वसन होणार का, की पक्षातील निष्ठावंतांना संधी मिळणार, याकडे राष्ट्रवादी काँग्रेसचे कार्यकर्ते आणि राजकीय वर्तुळाचे लक्ष लागले आहे.
महत्वाच्या बातम्या-
-पुण्यात सुनेला संपवलं, अन् घराला कुलूप लावून फरार झाला, ८ दिवसांनी पोलिसांनी ठोकल्या बेड्या
-पुण्यात जमीन मोजणीचे डोंगर उपसण्यासाठी मोठा निर्णय! ४० नवे खासगी भूमापक नेमणार
-बारामतीत राजकीय हलचाल! सोमेश्वर साखर कारखान्याचे उपाध्यक्ष मिलिंद कांबळे यांचा राजीनामा
-‘राजभवन रोड’ विस्तारीकरणाला गती! औंध-पाषाणमधील वाहतूक कोंडी लवकरच कमी होणार
