“भाऊ फितूर झाला, स्वार्थासाठी शत्रूला जाऊन मिळाला…सांगा काय चुकल तीचं?”

पुणे : देशात लोकसभा निवडणुकीच वातावरण आहे. याच पार्श्वभूमीवर सर्व राजकीय नेते एकमेकांवर टीका करताना दिसत आहे. आरोप-प्रत्यारोपांच्या फैरी झडताना दिसत आहेत. राष्ट्रवादी काँग्रेसमध्ये फूट पडून उपमुख्यमंत्री अजित पवार हे युतीत सामील झाल्यानंतर खासदार शरद पवार गटाकडून अजित पवार गटावर सडकून टीका करण्यात आली. त्यातच आता राष्ट्रवादी काँग्रेस शरदचंद्र पवार पक्षाचे पुण्याचे शहराध्यक्ष प्रशांत जगताप यांनी खासदार सुप्रिया सुळे, शरद पवारांचा एक फोटो पोस्ट करत अजित पवारांवर सडकून टीका केली आहे.

काय म्हणाले प्रशांत जगताप त्यांच्या पोस्टमध्ये?

“जवळपास ५० वर्षे भावाला आपुलकीनं राखी बांधली, भाऊबीजेला मायेने ओवाळलं. भावाकडून रक्षा करण्याचं वचन घेतलं अन् त्या वचनावर भाबडेपणानं विश्वासही ठेवला. पण.. एक दिवस कुटुंबावर शत्रुची सावली पडली.. भाऊ फितूर झाला, स्वार्थासाठी शत्रूला जाऊन मिळाला. शत्रूही असा कपटी अन् अहंकारी… की ज्याला स्वतःला जिंकता आलं नाही तरी चालेल, पण केवळ आपल्या बापाला हरवायचंय. भाऊ शत्रूला जाऊन मिळाला… पण का? तेच कळेना… काय हवं होतं या भावाला? काय द्यायचं बाकी होतं? जीवापाड प्रेम दिलं, माया दिली, सर्व चुकांवर पांघरून घातलं… काय द्यायचं बाकी होतं? बरं.. फितूर होऊन तरी भावाने काय मिळवलं?” असं प्रशांत जगताप पोस्टमध्ये म्हणाले आहेत.

काय चुकलं तीचं ?

जवळपास ५० वर्षे भावाला आपुलकीनं राखी बांधली, भाऊबीजेला मायेने ओवाळलं. भावाकडून रक्षा करण्याचं वचन घेतलं अन् त्या वचनावर भाबडेपणानं विश्वासही ठेवला.
पण.. एक दिवस कुटुंबावर शत्रुची सावली पडली.. भाऊ फितूर झाला, स्वार्थासाठी शत्रूला जाऊन मिळाला. शत्रूही असा कपटी अन्… pic.twitter.com/zfp6jVeYZA

— Prashant Sudamrao Jagtap (@JagtapSpeaks) April 13, 2024

प्रशांत जगताप यांनी आपल्या पोस्टमध्ये अजित पवारांना फितूर म्हटलं आहे. पुढे जगताप म्हणाले की, “आपल्या बापावर हल्ला करण्यासाठी आपल्याच भावाला हाताशी धरून महाशक्ती चालून येतेय हे पाहताच भावाच्या फितुरीचं दुःख गिळून ती पुन्हा उभी राहिली, विचारांची तलवार घेऊन रणांगणात आली अन् आपल्या बापाची ढाल झाली… ती आजही लढतेय, झुंजतेय, स्वाभिमानासाठी संघर्ष करतेय..! सांगा…. काय चुकलं तीचं?”

महत्वाच्या बातम्या-

-“स्वत:च्या खासदारकीची पर्वा न करता मोदींना पाठिंबा देणाऱ्या बारणेंना विक्रमी मताधिक्याने संसदेत पाठवूया”- प्रशांत ठाकूर

-पक्षांतर्गत कुरघोड्यांनी धंगेकर हैराण, लोकसभेचा प्रचार राहिला बाजूला; वाद मिटवण्यासाठी काँग्रेसची कसरत

-Baramati Lok Sabha | ‘मूळचा पवार आणि बाहेरुन आलेला पवार…’; अजितदादांना काकांचं खुमासदार शैलीत

-शरद पवारांचा धृतराष्ट्र झालाय! अजितदादांच्या महिला शिलेदाराची सडकून टीका

-एकनाथ शिंदेंची उद्धव ठाकरेंवर खरमरीत टीका; म्हणाले, “मोदींनी वक्रदृष्टी केल्यास फेसबुक लाईव्ह करणाऱ्यांना….”