पुणे : पुण्यातील हडपसर भागातील सय्यदनगर येथे दहशत माजविणारा गुंड टिपू पठाण आणि त्याच्या साथीदारांनी आणखी एका महिलेची जमीन बळकावून बेकायदा ताबा घेतला. त्यावर शेड उभारुन त्या भाड्याने देऊन पैसे कमावले. हा ताबा सोडण्यासाठी महिलेकडे २५ लाख रुपयांची खंडणी मागितल्याचा गुन्हा दाखल करण्यात आला आहे. याबाबत एका ३१ वर्षाच्या महिलेने काळेपडळ पोलीस ठाण्यात फिर्याद दिली आहे. ही महिला मुळची मुंबईतील कुर्ला परिसरातील रहिवासी आहे.
महिलेनी फिर्यादीनुसार, टिपू ऊर्फ रिझवान सत्तार पठाण, सादिक कपूर, एजाज पठाण, मेहबूब अब्दुल गफार शेख, जावेद गणी शेख, साजीद जिब्राईल नदाफ, इराफान नासीर शेख, अजीम उर्फ अंट्या महंमद हुसेन शेख, मतीन हकीम सय्यद, तन्वीर शकील शेख, इम्तियाज ख्वाजा पठाण (सर्व रा. सय्यदनगर, हडपसर), अजिंक्य बाळासाहेब उंद्रे (रा. मांजरी खुर्द) यांच्याविरुद्ध गुन्हा दाखल करण्यात आला आहे.
गुंड टिपू पठाण व त्याच्या साथीदारावर पोलिसांनी मोक्का कारवाई केली असून पठाणसह त्याच्या साथीदारांची बँक खाती गोठविण्यात आली आहे. काळेपडळ पोलिसांनी पठाणसह साथीदारांची घराची झडती घेतली. तेथून जमीन व्यवहारासंदर्भातील कागदपत्रे, महागडी मोटार, तीन दुचाकी, तसेच गृहोपयोगी वस्तू असा माल जप्त करण्यात आला आहे.
महत्वाच्या बातम्या-
-इच्छुकांची धाकधूक वाढली, पुणे जिल्ह्यातील आरक्षण सोडत आज होणार जाहीर!
-६ वर्षांचं प्रेम, विश्वासघात अन्….; पुण्यातील हॉटेलमध्ये असा झाला लव्ह स्टोरीचा ‘द एन्ड’
-संग्राम जगतापांचं ‘ते’ वक्तव्य अन् अजितदादा पाठवणार ‘कारणे दाखवा नोटीस’
-‘माझ्या लेकराला पळून जायचं नव्हतं, राजकारणी त्याला जगू देत नाहीत’, निलेशच्या आईचा गंभीर आरोप
-दिव्याखाली अंधार! गुंडगिरीवरून भाजपकडे बोट; त्याच धंगेकरांचा चिरंजीव कुख्यात गुंडासोबत
