पुणे : विरोधी पक्षनेते असताना देवेंद्र फडणवीस यांनी राज्य विधीमंडळात एक पेन ड्राईव्ह सादर केला होता. त्यावरुन सीबीआयने माजी गृहमंत्री अनिल देशमुख यांच्यासह सरकारी वकील प्रविण चव्हाण, पुण्यातील तत्कालीन पोलीस उपायुक्त पौर्णिमा गायकवाड, निवृत्त सहायक पोलीस आयुक्त सुषमा चव्हाण, विजय पाटील यांच्याविरोधाक कट कारस्थान करण्याचा गुन्हा दाखल केला आहे.
महाविकास आघाडी सरकार असताना देवेंद्र फडणवीस यांनी भाजपच्या नेत्यांनान खोट्या गुन्ह्यात अडकविण्याचा प्रयत्न महाविकास आघाडीकडून केला जात असल्याचा आरोप केला होता. त्यावेळी त्यांनी पुरावा म्हणून एक पेन ड्राईव्ह सादर केला होता. याचा तपास शिंदे सरकार सत्तेवर आल्यावर सीबीआयकडे सोपविण्यात आला होता.
प्रविण चव्हाण यांच्या कार्यालयातील घड्याळात बसविलेल्या कॅमेर्यातून अनेक व्हिडिओ रेकॉडिंग करण्यात आले होते. या व्हिडिओमध्ये विशेष सरकारी वकील प्रविण चव्हाण तसेच तक्रारदार विजय भास्करराव पाटील आणि तत्कालीन गृहमंत्री अनिल देशमुख यांच्यासोबत भाजप नेत्यांविरुद्ध खोटे गुन्हे दाखल करण्याचा कट रचला होता.
यावरुन आता सीबीआयने गुन्हेगारी कट रचण्यासाठी विशेष सरकारी वकील प्रविण चव्हाण यांनी विजय पाटील, तत्कालीन पोलीस उपायुक्त पोर्णिमा गायकवाड, निवृत्त सहायक पोलीस आयुक्त सुषमा चव्हाण यांच्या सोबत खटल्यात भाजप नेते आणि इतरांना गुंतविण्यासाठी खोटे साक्षीदार व पुरावे बनविले असल्याचे या एफआरआयमध्ये म्हटले आहे.
महत्वाच्या बातम्या-
-भाजप आमदार महेश लांडगेंना जीवे मारण्याची धमकी; नेमका काय प्रकार?
