पुणे : राज्यातील विधान परिषदेच्या १७ जागांसाठी उमेदवारी अर्ज दाखल करण्यासाठी अवघे काही तास उरले आहेत. महायुतीमध्ये कोणती जागा कोणाला मिळणार यावरुन सुरु असलेला काथ्याकूट आता संपलेला आहे. भाजपला ११, शिंदेंच्या शिवसेनाला ४ आणि राष्ट्रवादीला २ अशा जागा लढणार आहेत. अशातच पुण्याची जागा भाजपला मिळणार की राष्ट्रवादीला? याकडे सर्वांचं लक्ष लागलं होतं. अशातच पुण्याची जागा आपल्याकडे ठेवण्यात राष्ट्रवादीने यश मिळवलं आहे.
राष्ट्रवादीकडे ही जागा आल्यानंतर आता उमेदवारीच्या रेसमध्ये ४ दिग्गज नावे चर्चेत होती. माजी आमदार विलास लांडे, सुनील टिंगर, दीपक मानकर आणि योगेश बहल ही नावे अधिक चर्चेत होती. मात्र खासदार पार्थ पवार यांचे अत्यंत निकटवर्तीय असणारे तसेच मित्र असणारे विक्रम संजय काकडे हे राष्ट्रवादीचे उमेदवार असल्याचे निश्चित झाल्याचे बोलले जात आहे. खुद्द मुख्यमंत्री देवेंद्र फडणवीस यांचा देखील या नावाला ग्रीन सिग्नल असल्याचं राष्ट्रवादीतील सुत्रांनी ‘पुणे लोकल’शी बोलताना सांगितले आहे. उद्या सोमवारी दुपारी कोणत्याही प्रकारची औपचारिक घोषणा न करता थेट उमेदवारी अर्ज दाखल केला जाईल.
दरम्यान, ऐन निवडणुकीच्या तोंडावर संघटनेबाहेरील आणि एकदम संघटनेबाहेरील चेहऱ्याला उमेदवारीची संधी मिळाल्यामुळे वर्षानुवर्षे पक्षासाठी काम करणाऱ्या स्थानिक पदाधिकाऱ्यांमध्ये आणि निष्ठावंतांमध्ये मोठी नाराजी पसरण्याची शक्यता वर्तवली जात आहे. संघटनेतील अंतर्गत नाराजी आणि पुण्याच्या राजकीय वर्तुळातील ही धुसफूस पक्षश्रेष्ठी कशी शांत करतात, याकडे आता सर्वांचे लक्ष लागले आहे.
महत्वाच्या बातम्या-
-विषारी दारूने पुण्यात हाहकार! शिंदेंची शिवसेना झाली आक्रमक, पोलीस स्टेशन बाहेर ठिय्या आंदोलन
-पुणे पालिकेत नीट पेपरफुटीवरून विरोधकांचा जोरदार राडा, सभागृहात घोषणाबाजी अन् गोंधळ
