पुणे : पुणे महानगरपालिका निवडणुकीत तिकीट न मिळाल्याने नाराज झालेल्या आणि पक्षाविरोधात बंडखोरी करणाऱ्या भाजप कार्यकर्त्यांवर पक्षाने कठोर कारवाईचा बडगा उगारला आहे. पक्षाने तब्बल ६९ कार्यकर्त्यांची यादी तयार करून त्यांचे सहा वर्षांसाठी निलंबन केले आहे. शहराध्यक्ष धीरज घाटे यांनी ही कारवाई महाराष्ट्र प्रदेशाध्यक्ष रवींद्र चव्हाण यांच्या आदेशानुसार केल्याचे सांगितले.
निवडणुकीपूर्वी पक्षाकडून तिकीट मिळावे म्हणून अडीच हजारांहून अधिक इच्छुकांनी इच्छा व्यक्त केली होती. मात्र, इन्कमिंग आणि जागांच्या मर्यादेमुळे अनेकांना तिकीट मिळाले नाही. यामुळे काहींनी पक्षाविरोधात बंडखोरी करून स्वतंत्र उमेदवारी लढवली, तर काहींनी विरोधी नेत्याला मदत केली. अशा कार्यकर्त्यांवर पक्षाने आता कठोर कारवाईचा निर्णय घेतला आहे.
निलंबनाची कारवाई करण्यात आलेल्यांमध्ये शिवाजीनगर मतदारसंघातून ७, कोथरूडमधून ६, कसबामधून ६, हडपसरमधून १९, खडकवासलामधून ९, वडगाव शेरीमधून ८, पुणे कॅन्टोन्मेंटमधून ९ आणि पर्वती मतदारसंघातून ४ असे एकूण ६९ जणांचा समावेश आहे. यातील बहुतांश जणांनी पक्षाकडून हकालपट्टी होण्याआधीच स्वतः सोडचिठ्ठी दिल्याची माहिती समोर आली आहे.
शहराध्यक्ष धीरज घाटे यांनी स्पष्ट केले की, “पक्षविरोधी कारवाई करणाऱ्यांबाबत कोणतीही सहानुभूती दाखवली जाणार नाही. पक्षशिस्त भंग करणाऱ्यांवर कठोर कारवाई होईल. पक्षातील कोणत्याही पदाधिकारी किंवा कार्यकर्त्याने पक्षविरोधी भूमिका घेतल्यास त्यांच्यावरही तात्काळ कारवाई केली जाईल.” या कारवाईमुळे पक्षात शिस्तीचे वातावरण निर्माण होण्याची अपेक्षा व्यक्त केली जात आहे.
निवडणुकीत पक्षाविरोधात बंडखोरी करणाऱ्या कार्यकर्त्यांवर ही कारवाई पक्षाच्या दीर्घकालीन धोरणाचा भाग मानली जात आहे. पक्षाने स्पष्ट केले आहे की, भविष्यात अशा प्रकारच्या बंडखोरीला कोणतीही सवलत दिली जाणार नाही. या निर्णयामुळे पुणे भाजपमध्ये नव्या शिस्तीची सुरुवात झाल्याचे बोलले जात आहे.
निलंबित केलेल्या नेते
कसबा विधानसभा मतदारसंघ
धनंजय जाधव, चंद्रकांत पोटे, कादंबरी साळवी, जितेंद्र दळवी, किशोर तरवडे,
कोथरूड विधानसभा मतदारसंघ
अमोल बालवडकर, सोमनाथ गुंड, मानसी सोमनाथ गुंड, अनिता तलाठी, पल्लवी गाडगीळ, दत्ता भगत, विनोद मोहिते
शिवाजीनगर विधानसभा मतदारसंघ
रमेश भंडारी, समाधान शिंदे, मधुकर मुसळे, प्रकाश ढोरे, बाळासाहेब रानवडे, मंजू वाघमारे, प्रीती वालेकर
हडपसर विधानसभा मतदारसंघ
संदीप लोणकर, स्मिता गायकवाड, संतोष शिंदे, युवराज कुचेकर, इम्तीयाज मोमीन, पुरुषोत्तम अण्णा दारवाटकर, अभिजीत डोंगरे, छाया गदादेनवल कुंजीर, समीर पठाण, प्रणव मोरे, योगेश सूर्यवंशी, अश्विनी योगेश सूर्यवंशी, नलिनी मोरे, संगिता ठोसर, अनिल मेमाणे, नितीन मारकड, सतिश मारकड, वर्षा मारकड, रुपेश घुले, बाप्पू पोकळे, किरण बारटक्के, अमोल रायकर,संदीप पोकळे, मोहिनी देवकर, रितेश रासकर, सचिन दशरथ दांगट, सुरेंद्र कंधारे.
वडगावशेरी विधानसभा मतदारसंघ
संदीप जहऱ्हाड, सुनीता गलांडे, किशोर वाघमारे, विजय चौगुले, अन्वर पठाण, राजू साखरे, ऐश्वर्या जाधव, जितेंद्र जगताप.
पुणे कॅन्टोन्मेंट विधानसभा मतदारसंघ
प्रवीण खेडकर, स्मिता खेडकर, उज्ज्वला गौड, बाळासाहेब घोडके, सुरेश धनगर, स्वाती धनगर, सुवर्णा भरेकर, पल्लवी केदारी, राहुल शर्मा.
पर्वती विधानसभा मतदारसंघ
हरिष परदेशी, बंडू जायभाय, नीता थोरवे, प्रीतम नागापुरे.
महत्वाच्या बातम्या-
-बुधवार पेठेत मध्यरात्री पोलिसांचे कोम्बिंग ऑपरेशन: कुंटणखान्यांची कसून झडती, ५० घरांची तपासणी!
-पुरंदर विमानतळ प्रकल्पाला राज्य शासनाची मान्यता; पुणे-पश्चिम महाराष्ट्राच्या विकासाला गती मिळेल
-सुनेत्रा पवारच राष्ट्रवादीच्या राष्ट्रीय अध्यक्षा, पुण्यातील नगरसेवकांच्या बैठकीत एकमताने ठराव!
