पुणे : पुण्यातील कुख्यात गुंड निलेश घायवळचे मराठवाड्यातील पवनचक्की माफियाशी असलेले संबंध उघडकीस आले आहेत. धाराशिव येथील पवनचक्की कंपनीच्या कर्मचाऱ्यांना मारहाण करणाऱ्या अमोल लाखे या माफियाशी घायवळचे करोडो रुपयांचे आर्थिक व्यवहार असल्याची माहिती समोर आली आहे. जुलै महिन्यात लाखे आणि त्याच्या साथीदारांनी धाराशिव येथे पवनचारी कर्मचाऱ्यांना थिटा मारली आणि त्यांच्या गाड्यांची तोडफोड केली होती. या प्रकरणातही घायवळचा हात असल्याचा संशय व्यक्त केला जात आहे.
लाखेने मित्राच्या कागदपत्रांवर सिमकार्ड घेऊन ते गुन्हेगारीत वापरल्याचा प्रकारही उघड झाला आहे. कर्ज मिळवून देण्याच्या आणि नोकरी लावण्याच्या बहाण्याने लाखेने २०१९ मध्ये मित्राकडून कागदोपत्रे घेतली. त्यानुसार घेतलेले सिमकार्ड घायवळ टोळीतील सदस्याने काही गुन्ह्यांत वापरले असल्याचे पोलिस तपासात निष्पन्न झाले. याची कल्पना नसलेल्या तरुणाने हा प्रकार उघड झाल्यावर वारजे पोलिस ठाण्यात फिर्याद दाखल केली. अमोल दत्तात्रेय लाखे (वय ३५, रा. धाराशिव) याच्याविरुद्ध पुण्यात गुन्हा दाखल करण्यात आला आहे.
घायवळ आणि त्याच्या टोळीवरील गुन्ह्यांच्या चौकशीदरम्यान पोलिसांना या नंबरबाबत माहिती मिळाली. चौकशीत लाखेने फिर्यादीच्या कागदोपत्रांवर सिमकार्ड घेतले आणि ते बँक खात्यांशी जोडले असल्याचे समोर आले. लाखे आणि फिर्यादी हे मित्र असल्याने हा विश्वासघात झाल्याचे फिर्यादीने सांगितले. लाखेने ‘मी तुला शेतीसाठी कर्ज काढून देतो, पुण्यात ओळखी आहेत. निलेश घायवळशी बोलतो, ते तुला नोकरी देतील’ असे सांगून कागदोपत्रे घेतली होती. पोलिसांनी गुन्हा दाखल करत तपास सुरू केला असून, लाखे आणि घायवळच्या संबंधांची खबरदारी घेतली जात आहे.
महत्वाच्या बातम्या-
-पुण्याची वाहतूक कोंडी रोखण्यासाठी निर्णय; रिक्षा परवान्यांवर निर्बंधाची शिफारस
-हीच खरी माणूसकी! रामाचा ३ वर्षांचा मुलगा हरवला अन् सद्दाम खान देवासारखा धावून आला
-शेतकऱ्यांचे अश्रू पुसण्यासाठी सनी निम्हण यांच्याकडून ५ लाखांची मदत
-पुण्यात एटीएसची मोठी कारवाई; अल-कायदा साहित्य प्रकरणी सॉफ्टवेअर इंजिनिअरला अटक
-इच्छुकांनो तयारीला लागा; पालिका निवडणुकीचं बिगुल वाजणार, आचारसंहिता कधीपासून?
