पुणे : पिंपरी चिंचवडमधील भाजप युवा मोर्चाच्या एका पदाधिकाऱ्याने प्रदेशाध्यक्ष अनुप मोरे यांच्यावर गंभीर आरोप करत चिंचवड पोलिस ठाण्यात तक्रार दाखल केली होती. या प्रकरणामुळे राजकीय वातावरण ढवळून निघाले होते. अखेर अनुप मोरे यांनी स्वतःहून प्रदेशाध्यक्ष पदाचा राजीनामा दिला आहे.
३६ वर्षीय पीडित युवतीने अनुप मोरे यांच्यासह आठ जणांवर गुन्हा दाखल केला असून, यात विनयभंगाचाही आरोप आहे. २६ ऑक्टोबर रोजी दुपारी अडीचच्या सुमारास मोरे यांच्या पुरुष आणि महिला कार्यकर्त्यांनी तिला धमकावले, जीवे मारण्याची धमकी दिली आणि अश्लील शिवीगाळ करत मारहाण केली. या घटनेमुळे स्थानिक राजकारणात मोठी खळबळ उडाली होती आणि विरोधकांना हाताशी धरून बोलण्याची संधी मिळाली होती.
आज पीडित युवतीने फेसबुक लाइव्हद्वारे मुख्यमंत्री देवेंद्र फडणवीस यांच्याकडे न्याय मागितला आणि भेटीसाठी वेळ मागितली. त्यानंतर अवघ्या काही तासांत अनुप मोरे यांनी प्रदेशाध्यक्ष पदाचा राजीनामा दिला. या राजिनाम्याने प्रकरणावर पडदा टाकण्याचा प्रयत्न होत असल्याची चर्चा आहे.
महत्वाच्या बातम्या-
-गुंड घायवळचे मराठवाड्यातील पवनचक्की माफियांशी संबंध, अन् करोडो रुपयांचे व्यवहार
-पुण्याची वाहतूक कोंडी रोखण्यासाठी निर्णय; रिक्षा परवान्यांवर निर्बंधाची शिफारस
-हीच खरी माणूसकी! रामाचा ३ वर्षांचा मुलगा हरवला अन् सद्दाम खान देवासारखा धावून आला
-शेतकऱ्यांचे अश्रू पुसण्यासाठी सनी निम्हण यांच्याकडून ५ लाखांची मदत
-पुण्यात एटीएसची मोठी कारवाई; अल-कायदा साहित्य प्रकरणी सॉफ्टवेअर इंजिनिअरला अटक
