पुणे : राष्ट्रवादी काँग्रेसचा बालेकिल्ला मानल्या जाणाऱ्या पुणे जिल्ह्यात भाजप ‘ऑपरेशन लोटस’च्या माध्यमातून ताकद वाढवत आहे. महाविकास आघाडीसह मित्रपक्षांमधील अनेक दिग्गज नेते भाजपमध्ये दाखल होत आहे. भाजपने गेल्या वर्षभरातम मविआच्या बड्या नेत्यांना पक्षप्रवेश दिला आहे. राज्यातील नगरपरिषद, नगर पंचायत निवडणुकांचा निकाल नुकताच समोर आला असून यामध्ये सासवड, भोरसारख्या ठिकाणी भाजपला काही यश मिळाले असले तरी जेजुरी नगरपरिषद निवडणुकीत भाजपचे मनसुबे पूर्णपणे धुळीस मिळाले. उपमुख्यमंत्री अजित पवारांच्या राष्ट्रवादीने येथे दणक्यात विजय मिळवला.
२ डिसेंबरला झालेल्या निवडणुकीत जेजुरी नगरपरिषदेच्या १० प्रभागांतून २० नगरसेवक आणि १ नगराध्यक्ष निवडले जाणार होते. १५ हजार ८०० मतदारांपैकी १२ हजार ३३३ मतदारांनी (७८ टक्क्यांहून अधिक) मतदान केले. एकूण ५३ उमेदवार रिंगणात होते. ही लढत थेट अजित पवारांच्या राष्ट्रवादी आणि भाजप यांच्यात होती. दोन्ही पक्षांनी नगराध्यक्षपदासह प्रत्येकी २१ उमेदवार उतरवले होते.
राष्ट्रवादीचे नगराध्यक्ष उमेदवार जयदीप बारभाई यांनी तब्बल ३ हजार मतांनी विजय मिळवला. पक्षाने १७ जागांवर विजय मिळवत बहुमत साकारले. भाजपला अवघ्या काही जागांवर समाधान मानावे लागले, तर एका जागेवर अपक्ष तानाजी खोमणे विजयी झाले. शिंदे गट, उबाठा गट आणि काँग्रेसला एकही जागा मिळाली नाही.
जेजुरीतील हा विजय अजित पवारांच्या राष्ट्रवादीसाठी मोठा दिलासा ठरला आहे. पुणे जिल्ह्यात भाजपच्या आक्रमक रणनीतीला येथे खीळ बसली.
राष्ट्रवादीच्या कार्यकर्त्यांमध्ये उत्साहाचे वातावरण आहे. हा निकाल पुणे जिल्ह्यातील राजकीय समीकरणांवर परिणाम करणारा ठरला आहे. भाजपच्या ‘ऑपरेशन लोटस’ला जेजुरीत ब्रेक लागला असून, आगामी महापालिका निवडणुकीत राष्ट्रवादीची ताकद पुन्हा सिद्ध झाली आहे.
महत्वाच्या बातम्या-
-रायफल शूटिंगमध्ये अप्रतिम आशिष ढेंगे यांची राष्ट्रीय स्पर्धेसाठी निवड
-‘आज २२ जणांचा प्रवेश झाला, पुढेही धक्कातंत्र चालू राहील’, महेश लांडगेंचा रोख नेमका कोणाकडे?
-बिडकरांची रणनीती अन् मोहोळांची व्यूहरचना! भाजपमध्ये जोरदार इनकमिंग, राजकीय गणित बदलले
