पुणे : श्री उमांगमलज जन्मोत्सव सोहळ्यात श्रीमंत दगडूशेठ हलवाई सार्वजनिक गणपती ट्रस्टच्या वतीने गणपती बाप्पाला आज ११०० श्रीफळांचा महानैवेद्य अर्पण करण्यात आला आहे. अंतःकरणातील अहंकार आणि ममत्वाचे मळभ दूर झाल्यानंतर शुद्ध, स्वच्छ आणि प्रशांत स्वरूपातील जे परमात्म दर्शन घडते, त्यांना म्हणतात उमांगमलज. श्रीफळांची आरास व धार्मिक विधी यानिमित्ताने मंदिरामध्ये झाले. गाणपत्य संप्रदायात कार्तिक शुद्ध चतुर्थी म्हणजेच श्री उमांगमलज जन्मोत्सवात मोरयाला श्रीफळ समर्पित करण्याला विशेष महत्त्व आहे.
देवी पार्वतीने अंगावरच्या मळापासून एक पुतळा बनवला. त्याला जिवंत केले. पुढे त्याचे आणि शंकरांचे युद्ध झाले. भगवान शंकरांनी त्या मुलाचे मस्तक उडविले. देवी पार्वतीच्या संतापाला शांत करण्यासाठी शेवटी त्या बालकाच्या धडावर भगवान श्री विष्णूंनी आणलेले गज मस्तक बसविण्यात आले. त्यांना श्री गजानन असे म्हटले आहे. ही श्री गणेश जन्माची कथा आपण नेहमी ऐकतो ती या अवताराची कथा आहे. या अवतारात भगवान श्री गणेशांचे नाव आहे उमांगमलज, असे श्रीमंत दगडूशेठ हलवाई गणपती ट्रस्टचे अध्यक्ष सुनील रासने यांनी सांगितले.
‘आपली बुद्धी हीच पार्वती देवी आहे. तिच्यावर चढलेला अहंकार आणि ममत्वाचा थर हाच मळ आहे. हा अहंकार आणि ममत्व दूर झाले की ज्या मोरयांची प्राप्ती होते त्यांना उमांगमलज असे म्हटले आहे’, असे सुनील रासने म्हणाले आहेत.
महत्वाच्या बातम्या-
-पुण्यात खडकवासला धरणावर उभारणार ८ पदरी उड्डाणपूल, या’ गावांना होणार फायदा
-निवडणुकीच्या पार्श्वभूमीवर भाजपमध्ये जोरदार इनकमिंग पण आमदारच नाराज
-शेखर सिंहाच्या काळात महापालिकेवर 22 हजार कोटींचं कर्ज? अजित पवार काय म्हणाले?
-केंद्रीय संरक्षण मंत्री अन् मुख्यमंत्री फडणवीस ज्या मंचावर त्याच मंचाखाली गेला साप
-स्वारगेट-कात्रज मेट्रो मार्गाचे काम अदानी समूहाला, दीड हजार कोटींची निविदा मंजूर
