पुणे : महाराष्ट्र मेट्रो रेल्वे कॉर्पोरेशनच्या (महामेट्रो) स्वारगेट ते कात्रज या ५.४६ किलोमीटर लांबीच्या भूमिगत मेट्रो मार्गाच्या कामासाठी अदानी समूहाच्या ‘आयटीडी सिमेंटेशन इंडिया लिमिटेड’ या कंपनीची निवड झाली आहे. कंपनीच्या १ हजार ६४३.८८ कोटी रुपयांच्या निविदेला मंजुरी मिळाली असून, डिसेंबर २०२५ अखेरीस या प्रकल्पाच्या कामाला सुरुवात होणार आहे.
केंद्र सरकारने या भूमिगत मेट्रो प्रकल्पासाठी २ हजार ९५४ कोटी रुपयांचा निधी मंजूर केला आहे. महामेट्रोने या प्रकल्पासाठी निविदा प्रक्रिया राबवली, ज्यामध्ये एकूण सहा कंपन्यांनी भाग घेतला. १९ सप्टेंबर २०२५ रोजी उघडण्यात आलेल्या निविदांपैकी अदानी समूहाच्या कंपनीची निविदा सर्वात कमी किमतीची ठरली. गुणवत्ता, अनुभव आणि तांत्रिक क्षमतांच्या आधारे पडताळणी केल्यानंतर या कंपनीला काम देण्याचा निर्णय घेण्यात आला, अशी माहिती महामेट्रोचे अतिरिक्त महासंचालक (जनसंपर्क-प्रशासन) चंद्रशेखर तांबवेकर यांनी दिली.
पुढील महिनाभरात कर्जपुरवठा आणि इतर तांत्रिक प्रक्रिया पूर्ण करण्यात येणार आहेत. डिसेंबर २०२५ अखेरीस प्रत्यक्ष कामाला सुरुवात होईल आणि २०२९ पर्यंत हा प्रकल्प पूर्ण करण्याचे उद्दिष्ट आहे, असे तांबवेकर यांनी नमूद केले.
महत्वाच्या बातम्या-
-पुण्यातील शाळेत शिक्षिकेकडून विद्यार्थ्याला मारहाण, आक्रमक पालकांची काय भूमिका?
-पबजी खेळताना ओळख, प्रेमाला नकार, त्याने तिचे AI द्वारे अश्लील फोटो बनवले अन् थेट…
-IAS रुबल अग्रवालांच्या कल्पनेला मुंबईकरांची पसंती, ‘मुंबई वन‘ अॅप ठरतेय नंबर वन!
-गुंड टिपू पठाणवर आणखी गुन्हा दाखल; महिलेची जमीन बळकावून केली 25 लाखांच्या खंडणीची मागणी
-इच्छुकांची धाकधूक वाढली, पुणे जिल्ह्यातील आरक्षण सोडत आज होणार जाहीर!
