पुणे : राज्यातील शाळांमध्ये पहिलीपासून हिंदी सक्तीच्या मुद्द्यावरुन मनसे अध्यक्ष राज ठाकरे आणि उद्धव ठाकरे हे ठाकरे बंधू एकत्र आले आहेत. हे दोघे नेते येत्या ५ जुलै रोजी मुंबईत काढण्यात येणाऱ्या हिंदी सक्ती विरोधातील मोर्चामध्ये एकत्रित सहभागी होणार आहेत. खासदार संजय राऊत यांनी शुक्रवारी सकाळी सोशल मीडियावर पोस्ट करुन यासंदर्भातील घोषणा केली होती. त्यानंतर आज सकाळी ठाकरे बंधूंचे फोटो पोस्ट करत संजय राऊतांनी भाजपला डिवचल्याचे पहायला मिळाले आहे.
‘महाराष्ट्रतील शाळांत हिंदी सक्ती विरोधात एकच आणि एकत्र मोर्चा निघेल! जय महाराष्ट्र!’, असं ट्वीट संजय राऊतांनी सकाळी केलं. या ट्वीटमध्ये संजय राऊतांनी शिवसेना ठाकरे गट पक्षप्रमुख उद्धव ठाकरे मनसे अध्यक्ष राज ठाकरेंचा फोटो ट्वीट केला आहे. या ट्वीटनंतर संजय राऊतांनी आणखी एक ट्वीट केलं. ज्यामध्ये ठाकरे बंधूंचा फोटो तसेच ‘ठाकरे इज द ब्रँड’ असं म्हटलंय. हे ट्वीट राऊतांनी थेट केंद्रीय गृहमंत्री अमित शहा आणि मुख्यमंत्री देवेंद्र फडणवीस यांना टॅग केले आहे.
जय महाराष्ट्र!
“There will be a single and united march against compulsory Hindi in Maharashtra schools. Thackeray is the brand!”
@Dev_Fadnavis
@AmitShah pic.twitter.com/tPv6q15Hwv— Sanjay Raut (@rautsanjay61) June 27, 2025
दरम्यान, हिंदी भाषा सक्तीविरोधात ठाकरेसेना आणि मनसेसेना एकत्र येत आंदोलन काढणार आहेत. हिंदी भाषा सक्ती विरोधात राजकारणासह सर्व स्तरातून विरोध दर्शवण्यात येत आहे. यावरुन संजय राऊतांनी भाजपला डिवचल्यानंतर भाजपकडून देखील प्रत्युत्तर देण्यास सुरवात झाली आहे.
महत्वाच्या बातम्या
-मॅट्रिमोनियल साइटद्वारे ३.६० कोटींची फसवणूक; ऑस्ट्रेलियन नागरिकाला अटक
-मंत्र्यांनाच माहित नाही पदाधिकाऱ्यांचे कांड; विचारल्यावर म्हणतात, त्याने काय केलं?
-तुमचा पासवर्ड हॅक झालाय? भारत सरकारने दिला धोक्याचा इशारा
-मेधा कुलकर्णींच्या समर्थनार्थ ब्राह्मण सभा मैदानात; चाकणकरांनीही घेतली तात्कळ दखल
