पुणे : पुण्यातील एका प्राचार्याला पोक्सो प्रकरणाची धमकी देऊन सात लाख रुपयांची खंडणी मागितल्याच्या आरोपावरून एका पोलीस उपनिरीक्षकासह तिघांना निलंबित करण्यात आले आहे. या कारवाईमुळे पुणे पोलीस दलात मोठी खळबळ उडाली आहे. पोलीस आयुक्त अमितेश कुमार यांनी या प्रकरणाची गंभीर दखल घेत तिघांविरुद्ध बंडगार्डन पोलीस ठाण्यात गुन्हा दाखल केला आहे.
या प्रकरणात पोलीस उपनिरीक्षक अजित त्रंबक बडे (सध्या सायबर पोलीस ठाणे), पोलीस शिपाई सुदाम बाळकृष्ण तायडे आणि दामिनी पथकातील रील स्टार म्हणून ओळखली जाणारी सोनाली गुलाबराव हिंगे (दोघेही शिवाजीनगर पोलीस ठाणे) यांचा समावेश आहे. कर्तव्यातील हलगर्जीपणा आणि बेजबाबदार वर्तन केल्याप्रकरणी तिघांवर ही कारवाई करण्यात आली आहे.
अतिरिक्त पोलीस आयुक्त (प्रशासन) संजय पाटील यांनी मुंबई पोलीस (शिक्षा व अपिले) नियम १९५६ तसेच मुंबई पोलीस अधिनियम १९५१ अंतर्गत प्राप्त अधिकारांचा वापर करून तिघांना तात्काळ निलंबित करण्याचे आदेश दिले. पुढील विभागीय चौकशी पूर्ण होईपर्यंत हे निलंबन कायम राहणार असल्याचे स्पष्ट करण्यात आले आहे. या प्रकारामुळे पोलीस दलाची प्रतिमा मलिन होण्याची शक्यता लक्षात घेऊन वरिष्ठ अधिकाऱ्यांनी कठोर भूमिका घेतली आहे.
महत्वाच्या बातम्या-
-नांदेड सिटीतील विद्या प्रतिष्ठान स्कूलमध्ये लाखोंचा आर्थिक अपहार; प्रशासकीय अधिकाऱ्यावर गुन्हा दाखल
-इन्स्टाग्रामवर प्रेम जुळलं, लग्नाचं आमिष अन् १२ पानांचं पत्र लिहून व्यावसायिकानं घेतला मोठा निर्णय
