पुणे : नसरापूर येथील साडेतीन वर्षांच्या चिमुरडीवर झालेल्या निर्घृण अत्याचार आणि हत्येच्या प्रकरणात पुणे पोलिसांनी महत्वाची कारवाई केली आहे. पोलिसांनी मध्यरात्री आरोपीला गोपनीय पद्धतीने घटनास्थळी नेले आणि ज्या गोठ्यात हे घृणास्पद कृत्य घडले, त्या ठिकाणी त्याची सखोल चौकशी केली.
या दरम्यान पोलिसांनी संपूर्ण घटनास्थळाचा बारकाईने पंचनामा केला. आरोपी त्या वेळी कुठे उभा होता, गुन्हा कसा घडला यासह सर्व बाबींची पुनर्रचना करून पुरावे गोळा करण्यात आले. ही संपूर्ण कारवाई अत्यंत गोपनीय ठेवण्यात आली होती. यावेळी संपूर्ण गाव साखरझोपेत होते.
कायदेशीर प्रक्रिया पूर्ण करण्यासाठी पोलिसांनी हा निर्णय घेतला अन् आरोपीला गोठ्यात नेलं होतं. त्यावेळी पोलिसांनी आरोपीवर हल्ला होऊ नये, याची खबरदारी देखील घेतली. यावेळी अख्खं गाव साखरझोपेत होतं. त्यामुळे कुणालाच याची खबर लागली नाही. पोलिसांनी लवकरात लवकर चार्टशीट दाखल करून या प्रकरणाला फास्ट ट्रॅक कोर्टात नेण्याची तयारी केली आहे.
महत्वाच्या बातम्या-
-‘भावपूर्ण गायन गरजेचे’ पं. उपेंद्र भट यांचे मार्गदर्शन; पुणे आयडॉल २०२६ स्पर्धेचे उद्घाटन
-शिवाजी कोण होता? पुस्तकावर बंदी घालावी! छत्रपती शिवरायांच्या सरदारांच्या वंशजांची मागणी
