पुणे : पुण्यातील डीपी रोड परिसरात एका १३ वर्षीय मुलीवर आईच्या मित्राने लैंगिक अत्याचार केल्याची संतापजनक घटना समोर आली आहे. आई विधवा असून, ती आणि आरोपी ज्ञानेश्वर रायरीकर (वय २९) यांच्यात मागील अनेक वर्षांपासून चांगली ओळख होती. आईचा त्याच्यावर विश्वास असल्याने तिने मुलीला शाळेत सोडण्यासाठी त्याच्यासोबत पाठवले. मात्र, आरोपीने “शाळेत सोडतो” म्हणून मुलीला गाडीत बसवले आणि डीपी रोडवर गाडी थांबवून तिच्यावर अत्याचार केला.
मुलीने आईला सांगितल्यानंतर आईने वारजे पोलीस ठाण्यात तक्रार दाखल केली. पोलिसांनी तात्काळ कारवाई करत आरोपी ज्ञानेश्वर रायरीकर याला अटक केली. प्राथमिक तपासात असे आढळून आले की, आरोपीने मुलीला धमकी दिली होती की, “कुणाला सांगितलंस तर बघून घेतो.” या धमकीमुळे मुलीने काही दिवस गप्प राहिली होती, मात्र नंतर आईला सांगितल्यावर पोलिसांत तक्रार दाखल झाली. या घटनेने परिसरात खळबळ उडाली असून, आई-मुलीच्या सुरक्षिततेवर प्रश्न उपस्थित झाले आहेत.
आईचा आरोपीवर विश्वास होता, त्यामुळे मुलीला त्याच्यासोबत पाठवण्यात आले. पोलिसांनी सांगितले की, आरोपी आणि पीडित एकमेकांच्या ओळखीचे असल्याने त्याने मुलीचा विश्वास संपादन करून ही घटना घडवली. मुलीची वैद्यकीय तपासणी करण्यात आली असून, तिच्या जखमांची नोंद घेण्यात आली आहे. पोलिसांनी या प्रकरणी भारतीय न्याय संहिता अंतर्गत लैंगिक अत्याचार, अपहरण आणि धमकी देण्याचे कलम लावून गुन्हा दाखल केला आहे. आरोपीला न्यायालयात हजर करण्यात आले असून, त्याची पोलीस कोठडी मिळवण्यात आली आहे.
पोलिसांनी दिलेल्या माहितीवरुन, आरोपीच्या मोबाईल आणि इतर डिजिटल पुराव्यांचा तपास सुरू आहे. मुलीच्या सुरक्षिततेसाठी आणि तिच्या मानसिक आरोग्यासाठी विशेष काळजी घेण्यात येत आहे. या घटनेने पुण्यातील बालसुरक्षिततेचा प्रश्न पुन्हा ऐरणीवर आला आहे. आई-वडील आणि कुटुंबीयांनी मुलांच्या साथीदारांवर पूर्ण विश्वास ठेवू नये, अशी सूचना पोलिसांनी केली आहे. या प्रकरणाचा सखोल तपास सुरू असून, लवकरच न्यायालयात आरोपपत्र दाखल केले जाणार आहे. मुलीच्या कुटुंबीयांना पोलिसांनी आवश्यक ती मदत आणि समुपदेशनाची व्यवस्था केली आहे.
महत्वाच्या बातम्या-
-भिगवणमध्ये भरदिवसा आई-भावाच्या डोळ्यांत तिखट फेकून तरुणीचे अपहरण, पोलिसांकडून ६ टीम रवाना
-शिवजयंतीनिमित्त शहरातील मुख्य रस्त्यांवरील वाहतूकीत मोठे बदल, कोणते पर्यायी मार्ग असणार?
-युवा खेळाडूंना मिळणार हक्काचे व्यासपीठ, पुण्यात पार पडणार ‘सुपर सनी मंथ’
-वैष्णवी हगवणे हुंडाबळी प्रकरणी मोठी अपडेट: सत्र न्यायालयाकडून 6 आरोपींविरुद्ध आरोप निश्चित
