पुणे : अवघ्या काही महिन्यांवर येऊन ठेपलेल्या स्थानिक स्वराज्य संस्थांच्या निवडणुकीच्या पार्श्वभूमीवर सर्व राजकीय पक्षांकडून तयारी सुरु झाली आहे. विधानसभा निवडणुकीच्या निकालानंतर शिवसेना उद्धव बाळासाहेब ठाकरे पक्षाला अनेकांनी रामराम केला. पुणे शहरातील देखील ठाकरेंच्या शिवसेनेला मोठी गळती लागली. पालिका निवडणुकीच्या तोंडावर सेनेच्या ५ माजी नगरसेवकांनी देखील ठाकरेंना रामराम केला. तसेच आणखी काही नेते भाजपच्या वाटेवर असल्याचे बोलले जात आहे. या पार्श्वभूमी वर २०१७ मध्ये शिवसेनेकडून निवडणूक लढलेले आणि सात ते दहा हजार मतदान घेतलेले नेते आता शिवसेनेत आहेत नाही याबाबतचा आढावा घेण्यात आला आहे.
पुणे महापालिका निवडणुकीच्या पार्श्वभूमीवर पुणे शहरातील शिवसेना उद्धव बाळासाहेब ठाकरे पक्षाच्या स्थानिक नेत्यांनी वरिष्ठांना एक प्रस्ताव दिला आहे. या प्रस्तावात गेल्या निवडणुकीमध्ये शिवसेनेकडून निवडणूक लढलेल्या पैकी किती नेते अद्याप आपल्याकडे आहेत याचा आढावा घेण्याची मागणी केली आहे. या संदर्भात पुण्यातील ठाकरे सेनेच्या नेत्यांनी पुणे जिल्हा संपर्क प्रमुख आणि विधानपरिषद आमदार सचिन आहिर यांची भेट घेऊन पुणे महापालिकेबाबत संपूर्ण परिस्थितीची माहिती दिली आहे. यावेळी पुणे संपर्कप्रमुख आदित्य शिरोडकर शहराध्यक्ष संजय मोरे आणि शहराध्यक्ष गजानन थरकुडे , माजी नगरसेवक वसंत मोरे ,संजय भोसले , पृथ्वीराज सुतार तसेच कामगार नेते रघुनाथ कुचिक उपस्थित होते.
या भेटी दरम्यान मागील निवडणुकीत २०१७ मध्ये शिवसेनेने स्वबळावर पुण्यामध्ये निवडणूक लढवली होती. या निवडणुकीत ८ लाख २३ हजार इतकी मतं मिळाली होती. जवळपास १४ टक्के मतदान हे शिवसेनेला झालं होतं. त्यामुळे त्या वेळेचा विचार केल्यास शिवसेना १३८ जागांवरती स्वबळावर ती निवडणूक लढण्यास सक्षम असल्याचे स्थानिक नेत्यांनी वरिष्ठांना सांगितले आहे.
दरम्यान, महाविकास आघाडी म्हणून लढायचं झालं तर ६० ते ६५ जागा आपल्याला घ्याव्यात, अशी मागणी देखील या नेत्यांनी वरिष्ठ नेत्यांकडे केली आहे. पुढील आठवड्यात शिवसेना उद्धव बाळासाहेब ठाकरे पक्षाचे नेते खासदार संजय राऊत हे पुणे दौऱ्यावर येणार असून या सर्व बाबींवर सविस्तर चर्चा करणार असल्याचे सांगितले जात आहे.
महत्वाच्या बातम्या-
-महापालिकेकडून नागरिकांच्या जीवनाशी खेळ, शुद्धीकरण न करताच पाणीपुरवठा; जीबीएसचा प्रादुर्भाव वाढला
-आधी बंद दाराआड चर्चा अन् नंतर शेजारी बसणं टाळलं; पवार काका-पुतण्याच्या मनात नेमकं काय?
-Pune News: लवकर श्रीमंत व्हायचं म्हणून त्याने राजस्थानमधून अफू आणलं अन्…
-पुण्यात ‘GBS’ची रुग्णसंख्या वाढली, आमदार रासनेंची पालिका प्रशासनाकडे तातडीच्या उपाययोजनांची मागणी
