पुणे : शहरात किती अधिकृत आणि अनधिकृत होर्डिंग्ज आहेत, याची नेमकी माहिती महापालिका प्रशासनाकडे नसल्याने स्थायी समितीचे अध्यक्ष श्रीनाथ भिमाले यांनी संताप व्यक्त केला आहे. अनधिकृत होर्डिंग्जवर कडक कारवाई सुरू असतानाही प्रशासनाला अचूक आकडेवारी देता येत नसल्याने आता या सर्व होर्डिंग्जची मोजणी करण्यासाठी सल्लागार संस्थेची नियुक्ती करण्यात येणार आहे.
स्थायी समितीच्या बैठकीत आकाशचिन्ह विभागाने सांगितले की, शहरात सुमारे एक हजार ते दीड हजार अनधिकृत होर्डिंग्ज असण्याचा अंदाज आहे. गेल्या काही दिवसांत फक्त ६७ अनधिकृत होर्डिंग्जवर कारवाई करण्यात आली. यावर भिमाले यांनी सविस्तर अहवाल सादर करण्याचे आदेश दिले असून, सल्लागार नेमण्याच्या प्रस्तावाला मान्यता देण्यात आली आहे.
दरम्यान, शहरातील अधिकृत होर्डिंग धारकांची ७० ते ८० कोटी रुपयांची थकबाकी आहे. ही थकबाकी एक महिन्याच्या आत वसूल करण्याचे आदेश स्थायी समिती अध्यक्ष श्रीनाथ भिमाले यांनी आकाश चिन्ह विभागाला दिले आहेत.
अनधिकृत होर्डिंग्जमुळे शहराचे सौंदर्य बिघडत असल्याने आणि महापालिकेच्या महसुलावर परिणाम होत असल्याने ही कारवाई महत्त्वाची मानली जात आहे. सल्लागार नेमणुकीनंतर होर्डिंग्जची नेमकी संख्या आणि थकबाकीचा अहवाल लवकरच समोर येण्याची शक्यता आहे.
महत्वाच्या बातम्या-
-शेतकऱ्यांसाठी दिलासादायक निर्णय! ‘हवेली सभापतींचा ‘बळीराजा’ मॉडेल राज्यभर राबविणार’
-पुण्यावर पाणीकपातीची टांगती तलवार; खासदार, मंत्री, आमदार कुणीच बोलत नाही, आश्वासनाचं काय?
-अल्प विस्तार, मोठा दिलासा; पीएमपीएमएल बससेवा थेट खडकी जंक्शनपर्यंत
-JSPM-TSSM चा “टेक्नोव्हिजन 2K26” महोत्सव उत्साहात; राज्यभरातील विद्यार्थ्यांचा सहभाग
-मी देवऋषी… तुझी समस्या दूर करेन! पुण्यातील भोंदूबाबाने ४२ वर्षीय महिलेवर केले अत्याचार
