पुणे : महाराष्ट्र विधानपरिषदेच्या १० जागांसाठी लवकरच निवडणूक होणार असून, त्यापैकी सहा जागा भाजपच्या वाट्याला जाण्याची शक्यता आहे. या पार्श्वभूमीवर महाराष्ट्र भाजपने संभाव्य उमेदवारांची यादी केंद्रीय नेतृत्वाकडे पाठवली आहे. तब्बल ३० जणांची नावे या यादीत असून, अंतिम निर्णय दिल्लीतील नेतृत्व घेणार आहे.
भाजपच्या प्रदेश कोअर कमिटीच्या बैठकीत संघटनात्मक काम करणाऱ्या कार्यकर्त्यांना तसेच नव्या चेहऱ्यांना संधी देण्याचा निर्णय घेण्यात आला आहे. त्यामुळे यावेळी काही नवीन चेहरे विधानपरिषदेवर झळकण्याची शक्यता व्यक्त केली जात आहे. दरम्यान, पोटनिवडणुकीसाठी प्रज्ञा सातव यांच्या नावावर जवळपास शिक्कामोर्तब झाल्याची माहिती सूत्रांकडून मिळत आहे.
विधानपरिषदेच्या ९ जागांपैकी भाजपच्या वाट्याला ५ जागा येण्याची शक्यता असून, त्या पाच जागांसाठी ३० इच्छुकांची यादी दिल्लीला पाठवण्यात आली आहे. मात्र, प्रदेशातून पाठवलेल्या नावांवरच अंतिम निर्णय होईलच असे नाही. केंद्रीय नेतृत्वाकडून काही नवे चेहरेही पुढे येऊ शकतात, अशी चर्चा राजकीय वर्तुळात सुरू आहे.
या यादीत माधवी नाईक, डॉ. उपेंद्र कोठेकर, मनोज कोटक, केशव उपाध्ये, रवी अनासपुरे, राजेश पांडे, दयाशंकर तिवारी, राम सातपुते, रणजितसिंह निंबाळकर, संजय काका पाटील, विवेक कोल्हे, जगदीश मुळीक, प्रमोद जठार, संजय केणेकर, अर्चना पाटील चाकूरकर, दादाराव केचे, संजय भेंडे, संदीप जोशी आदींचा समावेश असल्याची माहिती आहे.
दरम्यान, प्रज्ञा सातव यांनी राजीनामा दिल्यामुळे रिक्त झालेल्या जागेसाठी त्यांनाच पुन्हा उमेदवारी देण्याची शक्यता वर्तवली जात आहे. त्यामुळे आगामी निवडणुकीत कोणाला संधी मिळणार याकडे सर्वांचे लक्ष लागले आहे.
महत्वाच्या बातम्या-
-मावळ बाजार समिती वादाला राजकीय रंग; निर्णय आता मंत्रालयाच्या कोर्टात
-पुणेकरांसाठी म्हाडाची मोठी संधी; २९५ घरांसाठी ‘पहिले येणाऱ्यास प्राधान्य’ योजना जाहीर
-डेक्कन नदीपात्रातील खून प्रकरण उघड; पैशांच्या वादातून तरुणाला संपवलं
-वारजे-कर्वेनगर प्रभाग समिती अध्यक्षपदी मंजुश्री खर्डेकर; नागरिकांच्या समस्यांवर भर
