पुणे : वारजे कर्वेनगर प्रभाग समितीच्या अध्यक्षपदी नगरसेविका मंजुश्री खर्डेकर यांनी पदभार स्वीकारला असून, प्रभाग समितीचे कार्यालय नागरिकांच्या समस्या सोडविण्याचे प्रभावी केंद्र बनविण्याचा निर्धार त्यांनी व्यक्त केला. वारजे कर्वेनगर क्षेत्रीय कार्यालयात नगरसेवक, पदाधिकारी आणि नागरिकांच्या उपस्थितीत हा पदग्रहण सोहळा पार पडला.
यावेळी बोलताना खर्डेकर यांनी सांगितले की, प्रभाग २९, ३० आणि ३२ मधील नागरिकांसाठी हे कार्यालय सदैव खुले राहील. नागरिकांना त्यांच्या समस्या मांडण्यासाठी तसेच सर्वपक्षीय कार्यकर्ते आणि पदाधिकाऱ्यांना संवाद साधण्यासाठी हे व्यासपीठ उपलब्ध करून देण्यात येईल. सर्वांच्या समस्या सोडविण्यासाठी प्रामाणिक प्रयत्न करणार असल्याचे त्यांनी स्पष्ट केले.
तसेच, राज्यातील व शहरातील वरिष्ठ नेत्यांनी दिलेली जबाबदारी यशस्वीपणे पार पाडण्याचा विश्वास त्यांनी व्यक्त केला. या प्रसंगी सहाय्यक आयुक्त अस्मिता तांबे यांच्यासह अनेक विद्यमान व माजी नगरसेवक, विविध संघटनांचे पदाधिकारी आणि नागरिक मोठ्या संख्येने उपस्थित होते.
कार्यक्रमात उपस्थित मान्यवरांनी खर्डेकर यांच्या शांत स्वभावाचे आणि कामकाजातील कौशल्याचे कौतुक केले. “त्यांच्या अनुभवाचा प्रभागाच्या विकासासाठी निश्चितच उपयोग होईल,” असा विश्वास नगरसेवक राजाभाऊ बराटे, सुनील पांडे आणि माजी नगरसेवक दीपक पोटे यांनी व्यक्त केला. सोहळ्यादरम्यान विविध संस्था व सोसायट्यांच्या वतीने खर्डेकर यांचा सत्कार करण्यात आला. त्यांच्या पुढील कार्यासाठी शुभेच्छा देत, नागरिकांच्या समस्या सोडविण्यात त्या महत्त्वाची भूमिका निभावतील, असा आशावाद उपस्थितांनी व्यक्त केला.
महत्वाच्या बातम्या-
-भोरमध्ये मांडेकर-थोपटे वाद पेटला, भोरमध्ये व्यापारी संकुलाच्या उद्घाटनावरून जुंपली
-हौशी गायकांसाठी ‘पुणे आयडॉल २०२६’; सोमेश्वर फाउंडेशनचा उपक्रम, नवोदितांना मोठे व्यासपीठ
-पुण्यात पाणीकपात होणार का? आयुक्तांनी दिली स्पष्ट भूमिका
-पुण्यातून कोणाला मिळणार विधान परिषदेवर संधी, जोरदार फील्डिंग लागली; मुख्यमंत्र्यांचा कौल कोणाला?
