पुणे : पुणे शहरात दिवसेंदिवस गुन्हेगारीचे प्रमाण वाढताना दिसत आहे. तसेच शहरात सायबर क्रामईचे देखील प्रमाण वाढत आहे. अशातच सोशल मीडियावर झालेली ओळख एका मिठाई विक्रेत्याला चांगलीच महागात पडली आहे. एका ३० वर्षीय तरुणीने फेसबुकवर झालेल्या ओळखीतून एका मिठाई विक्रेत्याकडून वेळोवेळी पैसे उकाळल्याची धक्कादायक घटना समोर आली आहे. या प्रकरणी आता ४५ वर्षीय मिठाई विक्रेत्याने ३० वर्षीय तरुणीविरोधात फरासखाना पोलिसांत फिर्याद दिली असून तिच्यावर खंडणीचा गुन्हा दाखल करण्यात आला आहे.
पोलिसांनी दिलेल्या माहितीवरुन, लक्ष्मी रोडवर मिठाईचे दुकान असणाऱ्या मिठाई विक्रेत्याची ३० वर्षीय तरुणीशी फेसबुकवर ओळख झाली. या ओळखीनंतर एकदा तरुणीने २४ सप्टेंबर रोजी ४ हजार रुपये मागितले. त्यांनी गुगल पे द्वारे तिला पैसे पाठवले. त्यानंतर २५ सप्टेंबर रोजी तिने फोन करुन कोरेगाव पार्क येथील ओ हॉटेलवर बोलावले. रात्री साडे बाराच्या सुमारास ते तिला हॉटेल बाहेरच भेटले.
तिने कॉफी घेणार का? विचारले. एवढ्या रात्री कॉफी कोठे मिळणार? असे ते म्हणाले. त्यानंतर तिने तिच्या बहिणीच्या घरी हिंजवडीला जाणार असल्याचे सांगितले. त्यावर एवढ्या रात्री कशी जाणार?, आज येथेच हॉटेलमध्ये रहा असे म्हणून त्यांनी तिचे हॉटेलचे बुकींग केले आणि तिने थेट ‘माझ्यासोबत सेक्स करणार का?’, असे विचारले. त्यांनी नकार दिल्यावर तिने एक लाख रुपयेांची मागणी करत शरीरसंबंध ठेवण्यास सांगितले. मात्र, त्यांनी त्यास नकार देऊन ते घरी निघून आले.
दरम्यान, त्याच दिवशी दुपारी ते दुकानात असताना ती अचानक दुकानात आली. तिने हॉटेलमध्ये झालेल्या प्रकाराची भिती दाखवून दुकानात तमाशा करेल, असे म्हणून धमकावले. त्यांनी प्रकरण मिटविण्यासठी तिला ७० हजार रुपये दिले. तिने दुकानातील गल्ल्यातील पैसे व मिठाईचे बॉक्स जबरदस्तीने घेऊन गेली. त्यानंतर ३ ऑक्टोंबर रोजी तिने ‘हे प्रकरण मिटवायचे असेल तर २ लाख रुपये दे’ अशी मागणी केली. यानंतर मिठाई विक्रेत्याने तिच्याविरोधात फिर्याद दिली. फरासखाना पोलिसांनी खंडणीचा गुन्हा दाखल केला आहे.
महत्वाच्या बातम्या-
-अंतिम प्रभाग रचना जाहीर, आता आचारसंहिता कधी? चंद्रकांतदादांनी थेट तारीखच सांगितली
-मोठी बातमी: पुणे महानगरपालिकेची अंतिम प्रभाग रचना जाहीर, ‘या‘ प्रभागात झाले बदल
-‘त्या’ अपघात प्रकरणी हजर रहावे; गौतमीला सिंहगड रोड पोलिसांनी बजावली नोटीस
-तिचे कॉल अन् सीसीटीव्ही तपासा! गौतमी पाटील येणार अडचणीत? ‘त्या‘ प्रकरणात मोठी मागणी
-भ्रष्टाचारातही पुण्याचा झेंडा; देशात भ्रष्टाचारात महाराष्ट्र अव्वल अन् राज्यात पुणे
