पुणे : महाराष्ट्रात लहानांपासून वृद्धांपर्यंत सर्वांच्या मनावर अधिराज्य गाजवणारी नृत्यांगणा गौतमी पाटील नेहमीच चर्चेत आहे. अशातच ३० सप्टेंबर रोजी गौतमीच्या कार चालकाकडून पुणे-बंगळुरु राष्ट्रीय महामार्गावर एका रिक्षा चालकाला भरधाव कारने जबर धडक दिली. या प्रकरणी गौतमी पुन्हा चर्चेत आली असून आता या प्रकरणाची मोठी अपडेट आली आहे. रिक्षाचालक हे सध्या व्हेंटिलेटरवर असून रिक्षाचालकाच्या नातेवाईकांनी गौतमी पाटीलचे अपघात झाल्या त्या वेळचे लोकेशन, कॉल रेकॉर्ड आणि त्याभागातील सीसीटिव्ही फूटेजची मागणी केली आहे. यामुळे आता गौतमी पाटीलच्या अडचणीत वाढ होण्याची शक्यता आहे.
गौतमी पाटीलच्या ड्रायव्हरने रिक्षाचालकाला भरधाव वेगाने उडवल्याने रिक्षाचे मोठे नुकसान झाले असून चालक गंभीर जखमी आहे. रिक्षाचालकासह रिक्षातील २ प्रवासी देखील जखमी आहेत. अपघातानंतर रिक्षाचालकाला रुग्णालयात न्यायचं सोडून ड्रायव्हर फरार झाला. गौतमी पाटीलने अद्याप जखमी रिक्षाचालकाची चौकशी देखील केली नाही. या संपूर्ण प्रकरणी नातेवाईकांनी पुणे पोलिसांवरही गंभीर आरोप केला आहे. पोलिसांनी प्रशासन हे प्रकरण दाबण्याचा प्रयत्न करत असल्याचा आरोप केला जात आहे.
अपघातानंतर रिक्षाचालकाची प्रकृती गंभीर असून गौतमी पाटीलला अटक करावी, अशी मागणी रिक्षाचालकाचे कुटुंबीय करत आहे. सिंहगड रोड पोलीस ठाण्यात याबाबतची तक्रारही दाखल केली आहे. त्या अपघाताचे सीसीटीव्ही फुटेज द्यावेत, अशी मागणीही कुटुंबियांकडून पोलिसांकडे केली जात आहे. गौतमी पाटीलने झालेल्या नुकसानीची भरपाई द्यावी, अशी मागणीही रिक्षाचालकाच्या कुटुंबियांनी केली आहे. त्यामुळे आता गौतमी पाटीलच्या अडचणी वाढण्याची शक्यता आहे.
महत्वाच्या बातम्या-
-भ्रष्टाचारातही पुण्याचा झेंडा; देशात भ्रष्टाचारात महाराष्ट्र अव्वल अन् राज्यात पुणे
-धक्कादायक! डोळ्यात ड्रप्स सोडायला सांगितलं म्हणून मुलानं पित्याचा संपवलं
-पोलिसांनी बँक खाती गोठवताच निलेश घायवळची पत्नी अन् मुलगा भारतात पाठवलं
-‘निलेश घायवळ प्रकरणी चंद्रकांत पाटील गप्प का?’ धंगेकरांच्या प्रश्नाने महायुतीत ठिणगी
-एकनाथ खडसेंच्या जावयाचा फॉरेन्सिक रिपोर्ट आला; रेव्ह पार्टी प्रकरणात मोठा ट्विस्ट
