पुणे : पुणे महापालिका निवडणुकीच्या पार्श्वभूमीवर राष्ट्रवादी काँग्रेसचे दोन्ही गट (शरद पवार आणि अजित पवार) एकत्र येण्याच्या चर्चांना उधाण आले आहे. मात्र या संभाव्य युतीनंतर राष्ट्रवादी (शरद पवार) चे पुणे शहराध्यक्ष प्रशांत जगताप यांनी थेट राजकारणातून विश्रांती घेण्याचा इशारा दिला आहे. “दोन्ही राष्ट्रवादींनी एकत्र निवडणूक लढवल्यास मी राजीनामा देऊन काही काळ राजकारण थांबवेन,” असे धक्कादायक वक्तव्य जगताप यांनी माध्यमांसमोर केले.
जगताप यांच्या या भूमिकेनंतर पुण्याच्या राजकीय वर्तुळात खळबळ उडाली. त्यांच्या या निर्णयामुळे शरद पवार गटातील कार्यकर्त्यांमध्ये प्रचंड नाराजी पसरली आहे. प्रशांत जगताप हे पुण्यात गेल्या अनेक वर्षांपासून पक्षासाठी झटणारे आणि अन्यायाविरुद्ध आवाज उठविणारे लढवय्या नेते म्हणून ओळखले जातात.
दोन्ही राष्ट्रवादींमधील संभाव्य युती आणि त्यानंतर प्रशांत जगताप यांचा संभाव्य राजीनामा, यामुळे पुणे महापालिका निवडणुकीपूर्वीच राजकीय समीकरणे अधिक गुंतागुंतीची झाली आहेत. आता शरद पवार आणि अजित पवार यांच्यातील चर्चेचा निकाल आणि जगताप यांचा अंतिम निर्णय याकडे सर्वांचे लक्ष लागले आहे.
महत्वाच्या बातम्या-
-अभय योजनेत मोठा दिलासा : मागील लाभार्थींनाही सूट; १.४० लाख मिळकतधारकांना फायदा!
-मोठी बातमी: २ डिसेंबरला पुणे जिल्ह्यात सुट्टी जाहीर, जिल्हाधिकाऱ्यांची घोषणा
-सुप्रीम कोर्टाचा महत्वपूर्ण आदेश, महाराष्ट्रातील निवडणुकांबाबत मोठा निर्णय!
-ऐकावं ते नवलचं! पुण्यात महिलेने केला तरुणावर अत्याचार, कोथरुड पोलीस ठाण्यात गुन्हा दाखल
