पुणे : राज्याचे उपमुख्यमंत्री अजित पवार यांच्या निधनाने संपूर्ण राज्याला शोककाळात आहे. स्वर्गीय अजित पवार हे राज्याचे अर्थमंत्री तसेच पुण्याचे पालकमंत्री होते. अजित पवारांच्या निधनानंतर त्यांच्या अध्यक्षतेखाली झालेल्या विकासकामांना किंवा योजनांना त्यांचे नाव मिळावे, अशी अनेकांनी इच्छा व्यक्त केली. त्यातच आता पुणे महापालिकेच्या वतीने राबवली जाणारी शहरी गरीब आरोग्य योजनेला अजित पवारांचे नाव देण्यात यावे, अशी मागणी आता राष्ट्रवादी काँग्रेसने महापालिका आयुक्तांकडे केली आहे. याबाबतचे पत्र पुणे महापालिकेला राष्ट्रवादीकडून पत्र देण्यात आले आहे.
गरीब कुटुंबातील नागरिकांसाठी २००९ पासून शहरी गरीब आरोग्य योजना राबविण्यात येत आहे. या योजनेतून आतापर्यंत हजारो नागरिकांवर आरोग्य उपचार झाले आहेत. स्व. उपमुख्यमंत्री अजितदादा पवार यांच्या नेतृत्वाखाली महापालिकेत सत्तेत असताना राष्ट्रवादी काँग्रेसच्या माध्यमातून ही योजना सुरू करण्यात आली. अजितदादा पवार यांच्या स्मृती निमित्त या योजनेचे नाव’ अजितदादा पवार शहरी गरीब आरोग्य योजना’ असे करण्यात यावे. नागरिकांची सेवा हीच खरी ईश्वर सेवा मानून करणारे विकास पुरुष अजितदादा पवार यांना पुणेकरांच्या वतीने हीच खरी श्रद्धांजली ठरेल, असे पत्रामध्ये नमूद करण्यात आले आहे.
या योजने अंतर्गत सध्या आपण वार्षिक उत्पन्न एक लाख ६० हजार रुपये असलेल्या पुणेकरांना एक लाख रुपयांपर्यंत उपचारासाठी अर्थ सहाय्य करतो. तसेच कॅन्सर रुग्णांसाठी ही मर्यादा दोन लाख रुपये आहे. उपचारांचे वाढते खर्च लक्षात घेता उत्पन्नाची मर्यादा तीन लाख रुपये असलेल्या पुणेकर नागरिकांना उपचारासाठी दोन लाख रुपयांपर्यंत अर्थ सहाय्य करावे, तसेच कॅन्सर, हृदय विकार, किडनी विकार मेंदु व मज्जासंस्थेचे आजार असलेले पीडित रुग्णांना पाच लाख रुपये अर्थ सहाय्य करावे, अशीही मागणी राष्ट्रवादी काँग्रेसकडून करण्यात आली आहे.
महत्वाच्या बातम्या-
-चारही बाजूने टीका झाली पालिकेला आली जाग, वर्धापन दिनाचे सगळे कार्यक्रम केले रद्द
-पुणे शहर परिवर्तन कक्षाची बैठक: पुण्याच्या विकासासाठी समन्वयाची नवी सुरुवात, महत्त्वाचे निर्णय!
-सोमेश्वरवाडीत महाशिवरात्रीची तयारी; सोमेश्वर मंदिर परिसरात विशेष स्वच्छता अभियानाचे आयोजन
-फेसबुकवर प्रेम अन् ऑनलाइन गेमिंगसाठी फसवणूक तरुणाची ९२ हजारांची लूट, मुख्य आरोपी अटकेत
