पुणे : राज्यातील पोलीस यंत्रणेला चकमा देऊन लंडनला पळून गेलेला कुख्यात गुंड निलेश घायवळ प्रकरणामुळे आता महायुतीत अंतर्गत कलह निर्माण होण्याची शक्यता आहे. गंभीर गुन्ह्यांची नोंद असलेल्या निलेश घायवळला पासपोर्ट कसा मिळाला? यावरुन सध्या राजकीय आणि सामाजिक स्तरावर तीव्र चर्चा सुरू आहे. या प्रकरणात काही वरिष्ठ पोलीस अधिकारी आणि राजकीय नेत्यांचा सहभाग असल्याचा संशय व्यक्त होत आहे. याच पार्श्वभूमीवर शिंदे गटाचे नेते रविंद्र धंगेकर यांनी भाजप नेते चंद्रकांत पाटील यांच्या भूमिकेवर प्रश्नचिन्ह उपस्थित केले आहे.
चंद्रकांत पाटील या प्रकरणावर गप्प का आहेत, असा थेट सवाल धंगेकर यांनी विचारला आहे. त्यांच्या या वक्तव्यमुळे महायुतीत तणाव निर्माण होण्याची चिन्हे दिसत आहेत. रविंद्र धंगेकर यांनी बुधवारी माध्यमांशी बोलताना निलेश घायवळ प्रकरणातील चंद्रकांत पाटील यांच्या भूमिकेबाबत प्रश्नचिन्ह उपस्थित केल्याचं वृत्त एबीपी माझाने दिलं आहे.
‘निलेश घायवळ प्रकरणावर चंद्रकांत पाटील का बोलत नाहीत, ते गप्प का आहेत? ते या प्रकरणात लक्ष का घालत नाहीत?’ असे प्रश्न रविंद्र धंगेकर यांनी उपस्थित केले आहेत. ‘निलेश घायवळवर राजकीय वरदहस्त आहे. त्याशिवाय त्याला पासपोर्ट कसा मिळू शकतो? पोलिसांची चौकशी व्हायला हवी. मग घायवळला कोण मदत करत आहे, हे समोर येईल. मी आता सत्तेत असलो तरी खोट्याला खोटं म्हणणारा आहे. मी पुणेकरांचे प्रश्न मांडणारा आहे’, असे रविंद्र धंगेकर यांनी म्हणाले आहेत.
हत्या, अपहरण, खंडणी, अवैधरित्या शस्त्रांचा वापर अशा गंभीर गुन्ह्यांची नोंद असूनही घायवळला पासपोर्ट कसा मिळाला? हा प्रश्न अनुत्तरित आहे. एरवी सामान्य लोकांना पासपोर्ट देताना त्यांची कसून पडताळणी केली जाते. मग निलेश घायवळ प्रकरणात पासपोर्ट कार्यालय आणि नगर पोलिसांना त्याचे गुन्हेगारी चारित्र्य खटकले नाहीत का? असा सवालही उपस्थित होत आहे.
महत्वाच्या बातम्या-
-एकनाथ खडसेंच्या जावयाचा फॉरेन्सिक रिपोर्ट आला; रेव्ह पार्टी प्रकरणात मोठा ट्विस्ट
-पुण्यात गौतमी पाटीलच्या ड्रायव्हरनंं रिक्षाचालकाला उडवलं; रिक्षाचालकासह ३ जण जखमी
-पुणे नवरात्रौ महिला महोत्सवात म्युझिकल तंबोला स्पर्धेला महिलांचा उत्स्फूर्त प्रतिसाद
-स्पा सेंटरच्या नावाखाली ‘सनशाईन’मध्ये सुरु होता भलताच कारभार; पोलिसांनी छापा टाकला अन्…
-वैष्णवी हगवणे प्रकरणी महत्वाची माहिती; न्यायलायने ‘त्या’ तिघांचा जामीन अर्ज फेटाळला
