पुणे : पुण्यातील कसबा पेठ परिसरात एक धक्कादायक घटना घडली. कुत्रा मागे लागल्याच्या भीतीने तिसऱ्या मजल्यावरून खाली कोसळल्याने इलेक्ट्रिशियन रमेश गायकवाड (वय ४५) यांचा मृत्यू झाला. रमेश हे कामानिमित्त सिद्धिविनायक अपार्टमेंटमध्ये गेले होते. ही घटना १ ऑक्टोबर रोजी घडली असून उपचारादरम्यान रमेश यांचा मृत्यू झाला.
रमेश गायकवाड हे व्यावसायिक इलेक्ट्रिशियन असून सहकाऱ्यासोबत तिसऱ्या मजल्यावर काम करत होते. त्याचवेळी चौथ्या मजल्यावरील सिद्धार्थ दिलीप कांबळे (वय २४) यांचा कुत्रा अचानक त्यांच्या मागे लागला. घाबरलेले रमेश जिन्याने पळताना डक्टमधून थेट खाली कोसळले. यात ते गंभीर जखमी झाले आणि रुग्णालयात दाखल करण्यात आले. मात्र उपचार सुरू असतानाच त्यांची प्राणज्योत मालवली.
मयत रमेश यांची पत्नी जया गायकवाड (वय ४०) यांच्या तक्रारीवरून कुत्र्याच्या मालक सिद्धार्थ कांबळे यांच्याविरुद्ध फरासखाना पोलीस ठाण्यात गुन्हा दाखल करण्यात आला आहे. कुत्रा सोडा ठेवताना आवश्यक ती काळजी घेतली नाही, असा आरोप त्यांच्यावर ठेवण्यात आला आहे. सध्या पोलीस उपनिरीक्षक गोरे हे प्रकरणाचा अधिक तपास करीत आहेत.
महत्वाच्या बातम्या-
-सनी निम्हणांना राज्य सरकारची मोठी जबाबदारी; युवा धोरण समितीवर वर्णी!
-पुणे महापालिकेच्या आरक्षण सोडतीवर आक्षेप, भाजप नेत्याचे थेट आयुक्तांना पत्र
-ब्राह्मण समजासाठी पहिल्यांदाच राज्य सरकारचे खास योजना; ५० लाखांपर्यंतच्या कर्जावर कसा लाभ मिळणार?
-पिंपरी-चिंचवड भाजपमध्ये ‘मेरिट सर्व्हे’ची धूम; दिग्गजांचे तिकीट कापण्याची दाट शक्यता
-जिल्हा परिषदेची निवडणुक कधी? इच्छुकांनो तयारीला लागा, समोर आली मोठी अपडेट
