वैष्णवी हगवणे प्रकरणी महत्वाची माहिती; न्यायलायने ‘त्या’ तिघांचा जामीन अर्ज फेटाळला

पुणे : पुण्यात गेल्या काही महिन्यांपूर्वी वैष्णवी हगवणे प्रकरण चांगलेच चर्चेत आले होते. या प्रकरणी आता पुणे न्यायालयाने महत्त्वाचा निर्णय दिला आहे. सासरच्या छळाला कंटाळून जीवन संपवलेल्या वैष्णवीच्या सासू, नणंद आणि पतीच्या मित्राने दाखल केलेले जामीन अर्ज न्यायालयाने फेटाळले आहेत. ‘अवघ्या नऊ महिन्यांच्या बाळाची आई कोणत्याही दबावाशिवाय असा टोकाचा निर्णय घेऊ शकत नाही’, असं म्हणत न्यायालयाने सासू लता राजेंद्र हगवणे, नणंद करिश्मा राजेंद्र हगवणे आणि पतीचा मित्र निलेश चव्हाण या आरोपींचे  जामीन अर्ज फेटाळले आहेत.

या प्रकरणात आत्महत्येस प्रवृत्त केल्याच्या गंभीर आरोपांखाली ही कारवाई करण्यात आली आहे. त्यामुळे या तिन्ही आरोपींना तुरुंगातच राहावं लागणार आहे. नऊ महिन्यांच्या बाळाची आई दबावाशिवाय असा टोकाचा निर्णय घेऊ शकत नाही. हुंडाबळी हा समाजाला मोठा कलंक आहे. आरोपींवर आत्महत्येला प्रवृत्त करणे, कट कारस्थान रचणे, पुरावे नष्ट करणे आणि आरोपींना लपवण्याचे गंभीर आरोप आहेत. त्यामुळे आरोपींना जामीनावर सोडल्यास साक्षीदारांवर दबाव येण्याची किंवा पुराव्यात छेडछाड होण्याची शक्यता आहे. पीडितेच्या हक्कासोबत समाजहितही लक्षात घेणे आवश्यक असल्याचे न्यायालयाने म्हटले आहे.

नेमकं काय प्रकरण?

राष्ट्रवादी काँग्रेस अजित पवारांच्या पक्षात पदाधिकारी असणाऱ्या राजेंद्र हगवणे यांच्या धाकट्या सुनेने (वैष्णवी हगवणे) सासरच्या जाचाला कंटाळून १६ मे रोजी आपले जीवन संपवले. या प्रकरणाने संपूर्ण राज्य हादरलं होतं. मात्र वैष्णवी हगवणेने जीवन संपवले नसून यामागे खून केल्याचा आरोप तिच्या माहेरच्या कुटुंबाकडून करण्यात आला. याप्रकरणात अनेक धक्कादायक खुलासे झाले.

यानंतर हगवणे कुटुंबातील मृत वैष्णवीचे सासरे राजेंद्र हगवणे, सासू लता हगवणे, पती शशांक हगवणे, दीर सुशील हगवणे आणि नणंद करिश्मा हगवणे तसेच करिश्माचा मित्र निलेश चव्हाण यांना पिंपरी चिंचवड पोलिसांनी अटक केली होती.

महत्वाच्या बातम्या-

-स्थानिक स्वराज्य संस्था: निवडणुकीबाबत महत्वाची अपडेट; पालिका निवडणूक कधी?

-४५ दिवसांचा संसार अन् ४५ लाखांची पोटगी, पुण्यात असाही घटस्फोट, नेमकं काय झालं?

-सामान्य भाजी विक्रेत्याचं असामान्य दातृत्व! रस्त्यावर भाजी विकणाऱ्याने पूरग्रस्तांना लाख मोलाची मदत

-पोलिसांनी मोक्का लावला पण निल्या घायवळ आधीच पळाला, लंडनमध्ये अलिशान घर

-अजित पवारांच्या लाडक्या आमदाराच्या हत्येचा कट, तपासासाठी ATSची स्थापना