पुणे : पुण्याचे माजी पोलीस आयुक्त अमिताभ गुप्ता यांच्या मालमत्तेची (लाचलुचपत प्रतिबंधक विभाग) एसीबीकडून चौकशी करण्यात आली. गुप्ता यांच्या मालमत्तेसंबंधी प्राथमिक चौकशी पूर्ण झाली आहे. अर्थात एसीबीकडून गुप्ता यांच्या मालमत्तेची चौकशी करण्यात आली. पुण्यातील माहिती अधिकारी सुधीर आल्हाट यांच्या तक्रारीनंतर आणि आरोपांनंतर एसीबीकडून कार्यवाही सुरु करण्यात आल्याची माहिती मिळत आहे.
पुण्यातील अॅमनोरा टॉवरमध्ये अमिताभ गुप्ता यांचा आलिशान व्हिला आणि मुंबईतील सांताक्रुझमध्येही गुप्ता यांचा पंचतारांकित फ्लॅट असल्याची माहिती प्राथमिक चौकशीतून समोर आली आहे. माहिती अधिकारी आल्हाट यांच्या तक्रारींमध्ये प्राथमिक चौकशीमध्ये तथ्य आढळल्यानंतर संबंधित अधिकाऱ्यांनी लाचलुचपत प्रतिबंधक विभागाच्या महासंचालकांकडे अमिताभ गुप्ता यांच्या खुल्या चौकशीसाठी अर्ज करून परवानगी मागितली आहे.
मूळचे उत्तर प्रदेशातील रहिवासी असलेल्या अमिताभ गुप्ता यांचा पुण्यात व्हिला तर मुंबईत फाईव्हस्टार फ्लॅट असल्याची माहिती मिळत आहे. अमिताभ गुप्ता हे १९९२ च्या बॅचचे आयपीएस अधिकारी आहेत. कोरोना काळात पुणे पोलीस आयुक्त म्हणून त्यांनी कार्यभार सांभाळला आहे. त्याचवेळी आर्थिक गैरव्यवहार प्रकरणी सीबीआय आणि ईडीच्या रडारवर असलेल्या वाधवान कुटुंबाला लॉकडाउन काळात महाबळेश्वरला जाण्यासाठी गृह विभागाचे प्रधान सचिव अमिताभ गुप्ता यांनी आपल्या सही आणि शिक्क्याचे एक पत्र दिले होते. त्यामुळे ते प्रचंड वादात सापडले होते.
महत्वाच्या बातम्या-
-खळबळजनक! पालकांची खोटी सही केल्याचं शिक्षकांना सांगितलं म्हणून त्याने थेट सुपारीच देत…
-गुरुनं ओलांडली मर्यादा; अल्पवयीन विद्यार्थीनीला केलं प्रपोज, नकार देतात…
-‘सुप्रियाताईंसाठी छातीचा कोट करुन काम केलं तरीही….’; सुषमा अंधारे थेटच बोलल्या
