पुणे : राज्यभरातील स्थानिक स्वराज्य संस्था निवडणुका गेली तीन वर्षांपासून रखडल्या आहेत. सर्वोच्च न्यायालयामध्ये दाखल असणाऱ्या विविध याचिकांमुळे रखडलेली निवडणूक राज्यामध्ये महायुती सरकार मोठ्या मताधिक्याने सत्तेवर आले असल्याने लवकर होण्याची शक्यता वर्तवली जात आहे. परंतु दुसरीकडे न्यायालयीन सुनावनी अनेक वेळा पुढे ढकलण्यात आल्याने निवडणुक कधी होणार? यावर प्रश्नचिन्ह कायम राहिले आहे. दरम्यान आज सुप्रीम कोर्टात सुनावणी होणार असून पुणे महापालिकेसह राज्यभरातील स्थानिक स्वराज्य संस्था निवडणूक कधी होणार याचा निर्णय होऊ शकतो.
प्रभाग रचना, ओबीसी आरक्षण तसेच वेगवेगळ्या 20 ते 22 याचिका सर्वोच्च न्यायालयात दाखल करण्यात आल्या आहेत. या सर्व याचिकांवर न्यायालयाने निर्णय दिला तर निवडणुकीचा मार्ग मोकळा होण्याची शक्यता वर्तवली जात आहे. राज्यातील २९ महापालिका, २५७ नगरपालिका, २६ जिल्हा परिषद आणि २८९ पंचायत समितीच्या निवडणुक गेली तीन वर्षांपासून रखडल्या आहेत.
स्थानिक स्वराज्य संस्थांमधील ओबीसी आरक्षणाबाबत दाखल याचिकेबाबत आज सुनावणी होण्याची शक्यता आहे. सरकार या निवडणुका व्हाव्या म्हणून उत्सुक असल्याने आजच सुनावणी होऊ शकते. एप्रिल-मे दरम्यान निवडणुका घेण्याची सरकारची इच्छा दिसत असल्याने न्यायालयात दाखल २०-२२ याचिकांवर एकत्रितपणे आजच सुनावणी होऊ शकते, अशी माहिती सर्वोच्च न्यायालयातील ज्येष्ठ विधीज्ञ सिद्धार्थ शिंदे यांनी दिली आहे. दरम्यान आज सुनावणी होऊन निवडणुक घेण्यास ग्रीन सिग्नल मिळाल्यास एप्रिल-मे महिन्यात स्थानिक स्वराज्य संस्था निवडणुकीचा बार उडू शकतो. परंतु पुन्हा सुनावणी पुढे ढकलण्यात आल्यास थेट ऑक्टोंबर-नोव्हेंबरमध्ये निवडणुक घेतली जाऊ शकते अशी शक्यता राजकीय जाणकार व्यक्त करत आहेत.
महत्वाच्या बातम्या-
-लहु बालवडकरांचा आरोग्य उपक्रम प्रेरणादायी; ‘अटल सेवा महाआरोग्य शिबिरा’ने समाजाला नवी दिशा
-GBS Disease: “त्याच पाण्यामुळे ‘जीबीएस’ होतोय”; आरोग्यमंत्र्यांनी दिली कबुली
