पुणे : पुणे शहरात कित्येक स्पा सेंटरमध्ये मसाज, स्पा सोडून भलतेच धंदे सुरु असल्याचं समोर आलं. अशातच आता पुन्हा एकदा शहरातील स्वारगेट परिसरातील २ आयुर्वेदिक मसाज सेंटरवर पोलिसांनी छापा टाकला असता तिथे मसाज सेंटर नाही तर वेश्या व्यवसाय सुरु असल्याचं उघडकीस आलं आहे. या कारवाईमध्ये एकूण ५ महिलांची सुटका करण्यात आली असून २ महिलांना अटक करण्यात आली आहे. या घटनेमुळे शहरात पुन्हा एकदा खळबळ उडाली आहे.
मार्केट यार्ड परिसरातील वसुंधरा आयुर्वेदिक मसाज सेंटरमध्ये देहविक्री चालू असल्याची गुप्त माहिती पोलिसांना मिळाली. यानुसार पोलिसांनी लगेच छापा टाकला आणि तेथे चार महिलांना काम करताना आढळले. सर्व महिलांची सुटका करण्यात आली. तसेच छत्रपती संभाजीनगर येथील एका महिलेला अटक करण्यात आली.
दुसरीकडे, मुकुंदनगरातील ‘दिया आयुर्वेदिक मसाज सेंटर’मध्येही वेश्याव्यवसाय सुरू असल्याची खबर पोलिसांना मिळाली. एक तोतया ग्राहक पाठवून पोलिसांनी खात्री केली. पोलिसांनी छापा टाकून एका महिलेची सुटका केली. या प्रकरणात ३८ वर्षीय महिलेला अटक करण्यात आली असून, तिच्यावर गुन्हा दाखल करण्यात आला आहे. या दोन्ही घटनांमधून स्पष्ट झाले की, पैशाचे अमिश किंवा महिलांच्या परिस्थितीचा गैरफायदा घेऊन त्यांच्याकडून देहविक्री करून घेतली जात होती. आता पोलीस याबाबतचा अधिक तपास करत आहेत.
महत्वाच्या बातम्या-
-फडणवीसांचे पुणे दौरे वाढले, शरद पवारांना देणार मोठा धक्का; बड्या नेत्याचा मुलगा लागला गळाला?
-बावनकुळेंनी मोडला 35 वर्षांचा नियम, नागपुरातून थेट पुणे गाठलं अन् आबा बागुलांनी लक्ष्य साधलं!
-पुण्यात पुन्हा एकदा ड्रग्ज प्रकरण उघड; विमानतळावरुन कोट्यावधींचे ड्रग्ज जप्त
-पुण्यात गुंडाराज! किरकोळ कारणावरून गोळीबार, घायवळ टोळीचा हैदोस
