पुणे : पुणे आणि पिंपरी चिंचवडकरांसाठी मोठी आनंदाची बातमी आहे. पंतप्रधान नरेंद्र मोदी यांच्या नेतृत्वातील केंद्र सरकारने पीएम-ई ड्राईव्ह योजनेअंतर्गत पुणे शहरासाठी एक हजार ई-बस खरेदीला मान्यता दिली आहे. केंद्रीय अवजड उद्योग मंत्री एच.डी. कुमारस्वामी यांनी याला अंतिम मान्यता दिली. लवकरच या बस पुणे महानगर परिवहन महामंडळाच्या (पीएमपीएमएल) ताफ्यात दाखल होतील. यामुळे सार्वजनिक वाहतूक व्यवस्था मजबूत होईल, वाहतूक कोंडी कमी होईल आणि प्रदूषण नियंत्रणातही मदत होईल, अशी माहिती केंद्रीय राज्यमंत्री मुरलीधर मोहोळ यांनी दिली.
पीएमपीएमएल सध्या पुणे, पिंपरी चिंचवड आणि पीएमआरडीए हद्दीत सेवा देते. त्यांच्याकडे सुमारे दोन हजार बस आहेत, त्यातील सातशे पेक्षा अधिक स्वमालकीच्या आहेत. शहराचा विस्तार आणि वाढती लोकसंख्या लक्षात घेता किमान तीन हजार बस आवश्यक आहेत. या बस दाखल करण्यासाठी मोहोळ यांनी केंद्र आणि राज्य सरकारकडे सातत्याने पाठपुरावा केला. मुख्यमंत्री देवेंद्र फडणवीस यांची साथही महत्त्वाची ठरली.
निधीसाठी राज्य सरकारने रिझर्व्ह बँकेला पत्र पाठवले. त्यानंतर पीएमपीएमएलमार्फत प्रस्ताव केंद्रीय मंत्रालयाकडे सादर झाला. पंधरा दिवसांपूर्वी मोहोळ यांनी कुमारस्वामी यांची नवी दिल्लीत भेट घेऊन चर्चा केली. मंगळवारी केंद्रीय मंत्रीमंडळाच्या बैठकीत या प्रस्तावाला मान्यता मिळाली. यामुळे एक हजार ई-बस मिळण्याचा मार्ग मोकळा झाला आहे.
पुण्याची सार्वजनिक वाहतूक मजबूत करण्यावर मोहोळ यांचा भर आहे. मेट्रोचे ३२ किलोमीटर मार्ग कार्यान्वित आहेत, शिवाजीनगर-हिंजवडी मार्ग लवकर सुरू होईल. पीएमपीएमएलचे सक्षमीकरण हा त्यांचा प्रमुख अजेंडा आहे. या बस लवकर ताफ्यात याव्यात यासाठी ते प्रयत्नशील राहतील. पंतप्रधान मोदी, मंत्री कुमारस्वामी आणि मुख्यमंत्री फडणवीस यांचेही मोहोळ यांनी आभार मानले.
महत्वाच्या बातम्या-
-PMC Election: भावी नगरसेवकांनो तयारीला लागा! आरक्षण झाले जाहीर; वाचा संपूर्ण यादी एका क्लीकवर
-‘शाहू वसाहती’चा आता स्वयंपुनर्विकास होणार! उपमुख्यमंत्री शिंदेकडून’ एसआरए’ला स्थगिती
-‘पुस्तकांवरील जीएसटी कमी करा’; मंत्री मुरलीधर मोहोळांचे केंद्रीय अर्थमंत्र्यांना निवेदन
-चाकणकरांविरोधात भूमिका, पक्षाच्या प्रवक्तेपदावरुन हकालपट्टी, रुपाली पाटील म्हणाल्या…
-जमीन घोटाळा प्रकरणी पार्थ पवार पुढे का येत नाहीत? अजित पवार म्हणाले, ‘त्याच्या बापाने…’
