पुणे : उपमुख्यमंत्री अजित पवारांच्या राष्ट्रवादी काँग्रेस पक्षाने प्रवक्त्यांच्या नव्या यादीत मोठा बदल केला आहे. रूपाली पाटील ठोंबरे आणि आमदार अमोल मिटकरी यांना प्रवक्तेपदावरून हटवण्यात आले आहे. वारंवार पक्षविरोधी विधाने केल्यामुळे ठोंबरेंना डच्चू देण्यात आल्याचे बोलले जात आहे. तर भाजपवर सातत्याने आगपाखड करणाऱ्या मिटकरींनाही अजित पवारांनी पदमुक्त केल्याची चर्चा आहे. याउलट, मारहाण प्रकरणात वादात सापडलेल्या सूरज चव्हाण यांना पुन्हा प्रवक्तेपद देण्यात आले आहे.
फलटणमधील डॉक्टर तरुणीच्या आत्महत्याप्रकरणी रूपाली ठोंबरे यांनी पक्षातीलच महिला आयोगाच्या अध्यक्षा रूपाली चाकणकर यांच्यावर टीका केली होती. यामुळे ठोंबरेंना कारणे दाखवा नोटीस बजावली गेली. शनिवारी त्यांनी अजित पवारांची भेट घेऊन स्पष्टीकरण दिले होते. मात्र, भेटीनंतर काही तासांतच त्यांची प्रवक्तेपदावरून हकालपट्टी झाली. वैशाली नागवडे यांचेही नाव नव्या यादीत नाही.
रूपाली ठोंबरे यांनी फेसबुकवर पोस्ट करून प्रतिक्रिया दिली. त्या म्हणाल्या, “मी आज पुण्याच्या बाहेर आहे,प्रवासात असल्याने माझा संपर्क होऊ शकला नाही. आज पक्षाने नव्याने प्रवक्त्याची नेमणूक केली आहे.त्यात माझ्यासह आमदार श्री.अमोल भाऊ मिटकरी,सौ.वैशालीताई नागवडे यांची नावे नाहीत. आम्ही येऊ घातलेल्या निवडणुकांना सामोरे जाणार सज्ज आहोत. पक्षाचे काम जोमाने करणार आहोत.या यादी बद्दल मा.अजितदादाना भेटून बोलून या विषयी माहिती घेईल मग आपल्या सर्वांशी सविस्तर बोलेल.”
महत्वाच्या बातम्या-
-जमीन घोटाळा प्रकरणी पार्थ पवार पुढे का येत नाहीत? अजित पवार म्हणाले, ‘त्याच्या बापाने…’
-पुण्यात ‘दृश्यम’ सिनेमाची नक्कल; पत्नीचे अनैतिक संबंध असल्याचा संशय, शिक्षकेला संपवलं अन्…
-‘भोसरी प्रकरणी अडकवण्याचा प्लान रचला’, नाथाभाऊंनी सगळंच सांगून टाकलं
-कथित जमीन व्यवहार प्रकरणी मोठी अपटेड: पार्थ पवारांना जमीन विकणारी ‘ती’ महिला नेमकी कोण?
-पार्थ पवार जमिन घोटाळा प्रकरणात तहसीलदाराचं निलंबन; तहसीलदार काय म्हणाले?
