पुणे : भाजपचे शहर चिटणीस लहु बालवडकर यांच्या नेतृत्वाखाली ‘लहु बालवडकर सोशल वेलफेअर’ व ‘सनराईज मेडिकल फाऊंडेशन’ यांच्या संयुक्त विद्यमाने ‘अटल सेवा महाआरोग्य शिबिरा’चे आयोजन करण्यात आले आहे. हे शिबिर 24 व 25 जानेवारी 2025 रोजी बालेवाडी, हायस्ट्रीट ग्राऊंड आयोजित करण्यात आले होते.
‘भव्य दिव्य ‘अटल सेवा महाआरोग्य शिबिरा’मध्ये 35 ते 40 प्रकारच्या विविध तपासण्या आणि शस्त्रक्रिया करण्यात आल्या. दिव्यांग व्यक्तींसाठी स्वतंत्र कक्ष उभारुन त्यांना अधिक चांगल्या सेवा व सुविधा दिल्या गेल्या आहेत. शिबिरात गर्दी पाहता, या दोन दिवसांत सुमारे 40,000 ते 50,000 नागरिकांनी शिबिराचा लाभ घेतला. आरोग्याच्या सर्व सुविधा एकाच ठिकाणी एकत्रितपणे उपलब्ध करून देणे हे निश्चितच कौतुकास्पद आहे, असे मत केंद्रीय राज्यमंत्री मुरलीधर मोहोळ यांनी व्यक्त केले आहे.
शिबिराच्या पहिल्या दिवशीही नागरिकांनी मोठ्या संख्येने उपस्थित राहून मोफत चाचण्या व तपासण्या करून घेतल्या. या शिबिरामध्ये व्हीलचेअर, इलेक्ट्रिकल बायसिकल, श्रवणयंत्र अशा विविध प्रकारचे साहित्य मुरलीधर मोहोळ यांच्या हस्ते रुग्णांना वितरित करण्यात आले.
📍बालेवाडी, पुणे | अटल सेवा महाआरोग्य शिबीर
लहू बालवडकर सोशल वेल्फेअर आणि सनराइज मेडिकल फाउंडेशन यांच्या संयुक्त विद्यमाने आयोजित केलेल्या ‘अटल सेवा महाआरोग्य शिबिर 2025’ ला भेट देत रुग्णांशा संवाद साधला. महाराष्ट्र शासनाचा आरोग्य विभाग आणि पुणे महापालिका यांचेही सहकार्य या… pic.twitter.com/pnZbrMJ6mo
— Murlidhar Mohol (@mohol_murlidhar) January 25, 2025
“सामाजिक बांधिलकीची भावना जोपासत समाजासाठी काहीतरी करण्याची प्रेरणा आम्हाला पक्षाच्या संस्कारांतून मिळाली आहे. हाच विचार मनात ठेवून आमचे सहकारी लहु बालवडकर यांनी भव्य दिव्य ‘अटल सेवा महाआरोग्य शिबिरा’चे आयोजन केले आहे. शिबिरात पुण्यातील जवळपास 60 नामांकित हॉस्पिटल्सची साथ मिळाली आहे, ज्यांनी उत्कृष्ट आरोग्यसेवा पुरवली आहे.
View this post on Instagram
राज्य शासन, महानगरपालिका आणि केंद्र सरकारच्या आरोग्याशी संबंधित जवळपास 50 योजना या ठिकाणी थेट नागरिकांना मिळत आहेत. शिबिरामध्ये विविध आरोग्यसेवा आणि तपासण्या उपलब्ध करून देण्यात आल्या असून, लहु अण्णा बालवडकर यांनी उचललेले हे आरोग्य सेवेसाठीचे पाऊल समाजाला नवी दिशा देणारे ठरेल, यात शंका नाही”, असे मुरलीधर मोहोळ म्हणाले आहेत.
महत्वाच्या बातम्या-
-GBS Disease: “त्याच पाण्यामुळे ‘जीबीएस’ होतोय”; आरोग्यमंत्र्यांनी दिली कबुली
-Pune: पुण्यात वाढला GBSचा धोका; केंद्राचं पथक पुण्यात दाखल
-अजितदादांच्या विश्वासू नेत्याची मुजोरी; अद्याप अटक नाही, अजित पवार म्हणाले…
