पुणे : पुण्यातील खराडी भागात कथित ड्रग्ज पार्टी प्रकरणात राष्ट्रवादी काँग्रेसचे ज्येष्ठ नेते एकनाथ खडसे यांचे जावई प्रांजल खेवलकर यांना अटक केली आहे. आता नव्याने समोर आलेल्या माहितीमुळे या प्रकरणाला वेगळे वळण लागले आहे. पुणे पोलिसांनी रोहिणी खडसे यांनी नोटीस धाडली असून त्यांची आज चौकशी करण्यात आली.
अंमली पदार्थ विरोधी विभागाकडून दीड तास सखोल चौकशी करण्यात आली. पुणे पोलिसांकडून झालेल्या चौकशीनंतर त्यांनी माध्यमाशी संवाद साधला. यावेळी त्यांनी या प्रकरणाच्या चर्चेला पुर्णविराम देण्याची विनंती केली आहे. ‘माझ्या मुलांच्या भविष्यासाठी चर्चा थांबवा’, असे खडसे यांनी यावेळी म्हणाल्या आहेत.
नेमकं काय म्हणाल्या रोहिणी खडसे?
मला पोलिसांनी नोटीस दिली होती, त्या संदर्भात मी आज पोलीस आयुक्तांची भेट घेतली. सर्व प्रकरण न्यायप्रविष्ठ आहेत, मला कुठलीही उत्तर द्यायची नाही. माध्यमांनी शेतकऱ्यांच्या ओल्या दुष्काळाच्या बातम्या दाखवाव्यात आणि हे प्रकरण संपवावं. या सगळ्या प्रकरणाचा परिणाम माझ्या कुटुंबावर होत आहे. माझ्या मुलांच्या भविष्यासाठी ही चर्चा थांबवावी. माझी मुले तुमचे सर्वांचे भाचे लागतात. त्या नात्याने या प्रकरणाची चर्चा थांबवा, असं म्हणत रोहिणी खडसेंनी याबाबतची चर्चा थांबवण्याची विनंती केली आहे.
पोलिसांकडून मिळालेल्या माहितीनुसार, प्रांजल खेवलकर यांच्या मोबाईलमध्ये ‘सोनार’ नावाच्या व्यक्तीच्या नावे असलेले सिमकार्ड आढळले आहे. खेवलकर अटकेत असतानाच ‘सोनार’ या व्यक्तीने आपले सीम हरवल्याचा बनाव करत त्याच नंबरचे नवीन सीमकार्ड घेतले. हे सिम नवीन मोबाईलमध्ये टाकून व्हॉट्सॲपसह महत्त्वाचा डेटा डिलीट केल्याचा गंभीर आरोप पुणे पोलिसांकडून करण्यात आला आहे.
हत्वाच्या बातम्या-
-शरद पवारांच्या आमदाराच्या लेकाचा भाजपमध्ये प्रवेश? स्थानिकांचा निष्ठावंतांचा विरोध
-गुंड निल्या घायवळच्या घरावर पोलिसांची धाड; प्रॉपर्टी पेपर, काडतुसं अन् मोठं घाबड
-शॉपिंगसाठी कायपण! बनावट IPS अधिकारी ओळखपत्र, अन् १७ हजारांच्या फुकट चप्पल
-पोर्शे कार अपघात: राजकीय दबावामुळे अग्रवालांचं महाबळेश्वरमधील हॉटेलचं सील उघडलंं?
-आमदाराला धक्काबुक्की अन् तुफान राडा, वडगावशेरीतील गोंधळाची इनसाईड स्टोरी
