पुणे : पुणे पोलिसांनी प्रांजल खेवलकर प्रकरणात न्यायालयात तपासाची माहिती सादर केली आहे. पोलिसांनी जप्त केलेल्या प्रांजल खेवलकर यांच्या मोबाईल फोनमध्ये छेडछाड झाल्याचा दावा पोलिसांनी केला आहे. ही छेडछाड प्रांजल खेवलकर यांच्या पत्नी तसेच शरद पवारांच्या राष्ट्रवादी काँग्रेसच्या नेत्या अॅड. रोहिणी खडसे यांच्या सांगण्यावरून झाली असल्याचा आरोप पोलिसांनी केला आहे. यामुळे रोहिणी खडसे यांच्यासमोरील कायदेशीर अडचणी वाढण्याची शक्यता आहे.
प्रांजल खेवलकर यांना एका पार्टी प्रकरणात अटक केल्यानंतर पोलिसांनी त्यांच्याकडून दोन मोबाईल फोन जप्त केले. यापैकी एका फोनमधील सिम कार्ड हे सोनार नावाच्या व्यक्तीच्या नावावर होते. खेवलकर यांना अटक झाल्यावर सोनार यांनी आपल्या नावावरील सिम कार्ड हरवल्याचा दावा करत त्याच क्रमांकाचे दुसरे सिम कार्ड घेतले. या नवीन सिम कार्डचा वापर करून त्यांनी त्या क्रमांकाशी संबंधित सर्व डेटा डिलीट केला.
पुणे पोलिसांनी सोनार यांचे हे कृत्य पुरावे नष्ट करण्याचा प्रयत्न असल्याचे म्हटले आहे. सोनार हे जळगाव जिल्ह्यातील रहिवासी असून, त्यांनी हे कृत्य रोहिणी खडसे यांच्या सांगण्यावरून केल्याची माहिती पोलिसांना दिल्याचा दावा पोलिसांनी केला आहे. यामुळे रोहिणी खडसे यांच्यावरील कायदेशीर कारवाईचा धोका वाढला आहे.
महत्वाच्या बातम्या-
-‘भाजपने महायुती धर्म पाळायला हवा होता’; प्रारूप प्रभागरचनेला राष्ट्रवादी काँग्रेसचा विरोध
-PMC : प्रभाग रचनेवरुन शिंदे-फडणवीस-पवारांमध्ये रंगणार शीतयुद्ध; नेमकं काय प्रकरण?
-‘दामिनी मार्शल’ला कॉल आला अन् ती म्हणाली, ‘मला खूप टेन्शन आहे, जगायचंच नाही’, पुढे काय घडलं?
-कोथरुड पोलिसांवर गंभीर आरोप करणाऱ्या मुलींवर गुन्हा दाखल; प्रकरणाला वेगळं वळण
