पुणे : पुणे शहरातून एक धक्कादायक घटना समोर आली आहे. नामांकित व्यापाऱ्याच्या कुटुंबातील लहान सून आपल्या सासू-सासऱ्यांना झोपेच्या गोळ्या देऊन त्यांना बेशुद्ध करायची आणि दिवसाढवळ्या प्रियकराला घरी बोलावून त्याच्यासोबत अनैतिक संबंध ठेवायची. ही बाब सासू-सासऱ्यांच्या लक्षात आल्यानंतर त्यांनी खासगी गुप्तहेर प्रिया काकडे यांची मदत घेतली आणि प्रकरण उघडकीस आले.
हे व्यापारी कुटुंब शहरात प्रसिद्ध आहे. वृद्ध दांपत्याला दोन मुले आणि दोन सुना आहेत. काही महिन्यांपासून सासू-सासऱ्यांना असामान्य झोप येत होती. त्यांनी कुटुंबीय डॉक्टरांचा सल्ला घेतला. वैद्यकीय तपासणीत त्यांच्या शरीरात झोपेच्या गोळ्यांचे प्रमाण अनैसर्गिकरीत्या जास्त आढळले. त्याचवेळी मोठ्या सुनेच्या रक्त तपासणीतही गोळ्यांचे अवशेष सापडले, तर लहान सुनेच्या तपासणीत काहीही अन नियमितता नव्हती. यामुळे कुटुंबीयांचा संशय लहान सुनेवर केंद्रित झाला.
कुटुंबीयांनी सुप्रसिद्ध खासगी गुप्तहेर प्रिया काकडे यांना विश्वासात घेऊन चौकशी सुरू केली. गुप्तहेरांच्या निरीक्षणातून लहान सुनेचे प्रियकरासोबतचे अनैतिक संबंध आणि सासू-सासऱ्यांना गोळ्या देण्याचे कृत्य उघड झाले. लहान सुनने आपली चूक कबूल केली. कुटुंबीयांनी पोलिसांत तक्रार दाखल केली. लहान सुनने चोरलेले दागिने आणि रोख रक्कम कुटुंबीयांना परत केली. अखेर तिच्या पतीने घटस्फोट घेतला.
महत्वाच्या बातम्या-
-पुण्यात पुन्हा आंदेकर-कोमकर गँगवॉर; गुन्हेगारीला लगाम घालण्यात पोलीस अपयशी
-शहरात उभारले जाणार नवीन एसटीपी प्रकल्प, स्थायीने दिली १ हजार २२३ कोटींच्या निविदेला मंजुरी
-फडणवीसांची मध्यस्थी अन् मोहोळ घेणार माघार? अजितदादा लावणार मास्टर स्ट्रोक
-बीव्हीजी आणि ‘आम्ही पुणेकर’ संस्थेची भारतीय जवानांसोबत दिवाळी
-मुरलीधर मोहोळांचे महाराष्ट्र ऑलिम्पिक असोसिएशनवर आरोप फेटाळले; अजित पवार म्हणाले…
