पुणे : भारत विकास गृप (बीव्हीजी) आणि आम्ही पुणेकर संस्थेने जम्मू-कश्मीर सीमेवरील बारामुल्ला, कुपवारा, डोडा व रियासी येथे तैनात भारतीय जवानांसोबत दिवाळी साजरी केली. सीमेवर मायदेशाचे रक्षण करणाऱ्या जवानांना कुटुंबाची उब मिळावी या उद्देशाने या संस्थांनी हा उपक्रम राबवला. जवानांच्या कर्तव्यदक्षतेमुळे देशवासीय आपल्या कुटुंबासह सुरक्षितपणे सण साजरे करतात, ही भावना यानिमित्त व्यक्त झाली.
दिवाळी उत्सवात जवानांचे कुटुंबीयही सहभागी झाले होते. जम्मू-कश्मीर आपत्कालीन वैद्यकीय सेवा आणि महाराष्ट्र आपत्कालीन वैद्यकीय सेवा बीव्हीजीच्या माध्यमातून चालवली जाते. ऑपरेशन सिंदूरदरम्यान १०८ रुग्णवाहिकेने केलेल्या कामगिरीचे सैन्य अधिकाऱ्यांनी कौतुक केले. प्रोजेक्ट हेड मुश्ताक अहमद यांच्या नियोजनाची प्रशंसा झाली.
बीव्हीजी कर्मचाऱ्यांनी तयार केलेले शुभेच्छा संदेश आणि भेटवस्तू जवानांना देण्यात आल्या. आम्ही पुणेकरच्या वतीने पुणेरी चिवडा, लाडू आणि इतर फराळ वाटप करण्यात आला. पुणे मर्चंट चेंबरने यासाठी सहकार्य केले. जम्मू-कश्मीरमधील काफीला फाऊंडेशन आणि जनरल जोरावर सिंग चॅरिटेबल ट्रस्ट यांनी उत्सव यशस्वी करण्यासाठी मदत केली.
महत्वाच्या बातम्या-
-मुरलीधर मोहोळांचे महाराष्ट्र ऑलिम्पिक असोसिएशनवर आरोप फेटाळले; अजित पवार म्हणाले…
-‘मला आई बनवा अन् २५ लाख रुपये मिळवा!’ कॉन्ट्रॅक्टरने जाहिरात वाचली अन्…
-गुंड घायवळचे मराठवाड्यातील पवनचक्की माफियांशी संबंध, अन् करोडो रुपयांचे व्यवहार
