पिंपरी चिंचवड : लोणावळा नगरपरिषद निवडणुकीत मोठी राजकीय उलथापालथ झाली आहे. मावळचे आमदार सुनील शेळके यांच्या प्रयत्नांना यश आल्याचं पहायला मिळालं आहे. राष्ट्रवादी काँग्रेस शरदचंद्र पवार गटाने अजित पवारांच्या राष्ट्रवादीला बिनशर्त पाठिंबा जाहीर केला आहे. दोन्ही राष्ट्रवादी काँग्रेस भाजपविरुद्ध उभी राहिल्याने लोणावळ्यातील राजकीय समीकरणे पूर्णपणे बदलली आहेत.
‘फक्त प्रभाग क्रमांक १३ मध्ये दोन्ही गटांच्या उमेदवारांमध्ये मैत्रीपूर्ण लढत होईल’, असे अधिकृतरीत्या स्पष्ट करण्यात आले आहे. उर्वरित सर्व प्रभागांत शरद पवार गटाचे कार्यकर्ते अजित पवार गटाच्या उमेदवारांसाठी प्रचार करणार आहेत. या एकत्र येण्यामुळे भाजपला मोठा धक्का बसण्याची शक्यता आहे, कारण राष्ट्रवादीची मते एकत्रित होऊन भाजपला कोंडीत पकडण्याची रणनीती आखली गेली आहे.
आमदार सुनील शेळके यांनी पत्रकार परिषदेत सांगितले की, शरद पवार गटाने दाखवलेल्या सकारात्मकतेला मान देऊन त्यांच्या पदाधिकाऱ्यांना पुढील काळात योग्य सन्मान दिला जाईल. नगरपालिका, वडगाव नगरपंचायत तसेच इतर शासकीय समित्यांमध्येही सकारात्मक निर्णय घेतले जातील. शरद पवार यांना मानणारा मोठा वर्ग आगामी महापालिका निवडणुकीतही साथ देतील, असा विश्वास त्यांनी व्यक्त केला.
लोणावळ्यातील ही नवीन राजकीय मैत्री निवडणुकीसाठी ‘गेम-चेंजर’ ठरू शकते, असे मत राजकीय निरीक्षक व्यक्त करत आहेत. दोन्ही राष्ट्रवादी गट एकत्र आल्याने भाजपसमोर मोठे आव्हान उभे राहिले असून, निकालाकडे सर्वांचे लक्ष लागले आहे.
महत्वाच्या बातम्या-
-यंदा स्वस्तात घराचं स्वप्न साकारण्याची शेवटची संधी, म्हाडानं दिली अर्जासाठी मुदतवाद
-‘नवले पूल परिसरातील अपघात रोखण्यासाठी तातडीने उपाययोजना करा’ केंद्रीय मंत्री नितीन गडकरींचे आदेश
-पुणे महानगरपालिका निवडणुकीसाठी प्रसिद्ध झाली मतदार यादी, तुमचे नाव आहे का? चेक करा
-मारहाणीचा आरोप करणाऱ्या खंडाळकरांना रुपाली पाटलांनी पाठवली नोटीस, १० कोटींची अब्रुनुकसानी दावा
-कुत्र्याच्या भितीने तिसऱ्या मजल्यावरून खाली पडून इलेक्ट्रिशियनचा मृत्यू
