पुणे : मुंबई, पुणे, नाशिकसह राज्यातील २९ महानगरपालिकांच्या निवडणुकीसाठी सर्वच राजकीय पक्षांनी जोरदार तयारी सुरू केली आहे. उमेदवारांच्या याद्या जाहीर होताच तिकीट मिळालेल्या उमेदवारांकडून जल्लोष साजरा होत असताना, उमेदवारी हुकलेल्यांकडून प्रचंड संताप व्यक्त होत आहे. ऐनवेळी तिकीट कापले गेल्याने नाराजांनी पक्षांतर किंवा अपक्ष म्हणून अर्ज दाखल करण्याचा धाडसी निर्णय घेतला असून, मागचा-पुढचा विचार केला नाही.
एकीकडे अजित पवारांच्या राष्ट्रवादीने तुरुंगात असलेल्या आंदेकर कुटुंबातील दोन सदस्यांना उमेदवारी जाहीर केली आहे. या निर्णयावर प्रचंड टीका होत असतानाच भाजपनेही त्याच वाटेवर पाऊल ठेवले आहे. कुख्यात गुंड शरद मोहोळच्या पत्नी स्वाती मोहोळ यांना प्रभाग क्रमांक ११ मधून उमेदवारी देण्यात आली आहे. स्वाती मोहोळ यांनी रामबाग कॉलनी आणि शिवतीर्थनगर परिसरातून भाजपच्या तिकिटावर अर्ज दाखल केला आहे.
गेल्या वर्षी शरद मोहोळचा टोळीयुद्धातून राहत्या घराजवळच खून झाला होता. तुरुंगातून बाहेर आल्यानंतर मोहोळ सामाजिक आणि राजकीय कार्यक्रमांत सक्रिय झाला होता. आता त्याच्या हत्येनंतर पत्नीला भाजपने मैदानात उतरवल्याने पुण्यात खळबळ उडाली आहे. शहरात वाढत्या गुन्हेगारीच्या घटनांनी कायदा-सुव्यवस्था ऐरणीवर आली असतानाच भाजपच्या या निर्णयाने सर्वांनाच धक्का बसला आहे. गुंडांच्या कुटुंबीयांना तिकीट देण्याच्या या ट्रेंडमुळे राजकारणात नैतिकतेचा प्रश्न उपस्थित होत आहे.
महापालिका निवडणुकीत हे निर्णय पक्षांच्या रणनीतीचा भाग असले तरी यामुळे विरोधकांना नवे हत्यार मिळाले आहे. गुन्हेगारी पार्श्वभूमी असलेल्या उमेदवारांना तिकीट देऊन पक्षांनी धोका पत्करला असून, निकालात याचा परिणाम कसा होईल, याकडे सर्वांचे लक्ष लागले आहे.
महत्वाच्या बातम्या-
-आबा बागुल मैदानात उतरले आणि प्रभाग ३६ची लढत बनली ‘हाय व्होल्टेज’! ग्राउंड पॉलिटिक्स काय सांगतेय?
-माहेरची साडी अन् आठवणींची ऊब: वृद्धाश्रमातील आजीबाईंना मधुरा गेठेंचा आपुलकीचा स्पर्श!
-पुण्यात थर्टीफर्स्टचं सेलिब्रेशन: MG-FC रोडवर संध्याकाळी नो एन्ट्री, शहरातील वाहतूकीत मोठे बदल
-अजित पवारांनी दिले गुंडांच्या कुटुंबातच दिले एबी फॉर्म, नव्या राजकीय चर्चेला उधाण
-भाजपने उतरवले युवा नेतृत्व मैदानात, प्रभाग २५ मधून मानकर, बापट, टिळक आणि पंडित यांची उमेदवारी दाखल
